Eýropa lıgasy: «Qaısar» jarys jolynan shyǵyp qaldy
Esterińizge sala ketelik, qyzylordalyq klýb búgin Shymkent qalasyndaǵy Qajymuqan Muńaıtpaov atyndaǵy stadıonda Kıprdiń APOEL klýbymen kezdesti. Jeńimpaz bir ǵana oıyn nátıjesi boıynsha anyqtaldy.
Oıyn qazaqstandyq klýb úshin sátti bastalǵan edi. Komanda kapıtany Ashat Taǵybergenniń alystan tepken dobyn APOEL qaqpashysy keri qaıtarǵan bolatyn. Sol mańda turǵan «Qaısar» shabýylshysy Elgýdja Lobjanıdze ony golǵa aınaldyryp ketti. Birinshi kezeńde kıprlik klýb ońvn eki golmen jaýap qaıyrdy. Ony De Vınsentı Tomas 15, Týhamı Anýar 25-mınýtta ózderiniń enshisine jazdy.
Ekinshi kezeńde qazaqstandyq klýb alǵa umtylǵan edi. Degenmen olardyń qateligin kıprlik fýtbolshylar sheber paıdalanyp ketti. Nátıjesinde 48-mınýtta APOEL fýtbolshysy Antsılı Omer mergendik tanytty. Olar 90-mınýtta De Vınsentı Tomas qorytyndy esepti belgiledi. Kezdesýde kıprlik klýb 4:1 esebimen jeńiske jetti. Endi olar jarystyń úshinshi satysynda oıyn kórsetedi.
Aıta keteıik, kıprlik komanda jylma-jyl eýrokýbok oıyndarynda oıyn kórsetip keledi. Klýb 1926 jyly el astanasy – Nıkosııa qalasynda qurylǵan. Sodan beri 28 márte chempıondyq ataqqa qol jetkizdi.
Esterińizge sala ketelik, bul kezdesý qyzylordalyq komandanyń eýrokýbok oıyndaryndaǵy tusaýkeser oıyny bolmaq. Bul múmkindikke «Qaısar» 2019 jyly Qazaqstan kýbogyn alǵannan keıin qol jetkizdi.
Búgin Eýropa lıgasynda qazaqstandyq klýbtardyń qatysýymen eki oıyn ótedi.
Elordalyq «Astana» Almatyda Chernogorııanyń «Býdýchnost» komandasyn qabyldaıdy. Oıyn elorda ýaqytymen 20.00-de bastalady.
Al Almatynyń «Qaıraty» Izraılde jergilikti «Makkabı» (Haıfa) klýbymen sheberlik baıqasady. Kezdesý elorda ýaqytymen 23.00-de bastalady. Eki oıyn da «Qazsport» telearnasynan tikeleı efırde kórsetiledi.
Al Eýropa lıgasy birinshi irikteý satysynda Shymkenttiń «Ordabasy» komandasy Rýmynııanyń «Botoshanı» klýbyna 1:2 esebimen jeńilip, jarys jolynan shyǵyp qalǵan edi.
