Eýropa lıgasy: «Qaısar» qarsylasynan jeńilip jatyr

NUR-SULTAN. QazAqparat - Dál qazir qazaqstandyq «Qaısar» UEFA Eýropa lıgasy ekinshi irikteý satysynda Kıprdiń APOEL klýbymen kezdesip jatyr, dep habarlaıdy QazAqparat tilshisi.

Oıyn Shymkent qalasyndaǵy Qajymuqan Muńaıtpasov atyndaǵy stadıonda ótkizilýde. Jeńimpaz bir ǵana oıynnan anyqtalady.

Birinshi kezeńnen keıin «Qaısar» qarsylasynan 1:2 esebimen jeńilýde.

Aldymen 6-mınýtta «Qaısar» sapynan Elgýdja Lobjanıdze esep ashqan bolatyn. Oǵan 15-mınýtta APOEL fýtbolshysy De Vınsentı Tomas bir golmen jaýap qaıyrdy. Al 25-mınýtta kıprlik komanda quramynan Týhamı Anýar óz komandasyn alǵa shyǵardy.

Kıprlik komanda jylma-jyl eýrokýbok oıyndarynda oıyn kórsetip keledi. Klýb 1926 jyly el astanasy – Nıkosııa qalasynda qurylǵan. Sodan beri 28 márte chempıondyq ataqqa qol jetkizdi.

Sondaı-aq, búgin elordalyq «Astana» Almaty qalasynda Chernogorııanyń «Býdýchnost» komandasyn qabyldasa, «Qaırat» Izraılde jergilikti «Makkabı» (Haıfa) klýbymen sheberlik baıqasady.