Eýropa lıgasy: «Qaırattyń» ızraıldik qarsylasynyń qaýqary qandaı
Esterińizge sala ketelik, jarystyń alǵashqy satysynda «Qaırat» Bosnııa jáne Gertsogovınanyń «Shırokı Brıeg» komandasyn orta jolda qaldyrdy.
Eki kezdesý de 2:1 esebimen jeńiske jetip, jarystyń kelesi satysyna joldama aldy. Al «Hapoel» Albanııanyń «Lachı» klýbyn qos oıynnyń nátıjesimen jeńip (1:0,1:1) ketti.
«Hapoel» (Bezr-Sheva) komandasynyń qurylǵanyna bıyl tup-týra 70 jyl tolady. 1949 jyly qurylǵan klýb alǵash ret óz eliniń birinshiliginde chempıondyq ataqqa 1974/1975 jylǵy fýtbol maýsymynda qol jetkizdi. Búgingi kúnge deıin bes márte altynnan alqa taǵyp úlgerdi. Sońǵy úsh jylda chempıondyq ataqty eshkimge ustatpaı keledi. Sondaı-aq, atalmysh komanda 1997 jyly fýtboldan Izraıl kýbogin tóbesine kóterdi.
«Hapoel» (Bezr-Sheva) búgingi kúnge deıin birneshe márte eýrokýbok oıyndarynda synǵa túsip keledi. Eýropa lıgasynda eki márte toptyq kezeńge shyqty. Aldymen 2016/2017 jylǵy kezeńde Italııanyń «Inter», Anglııanyń «Saýtgempton» jáne Chehııanyń «Sparta» komandalarymen baq synap, óz tobynda ekinshi orynǵa ıe boldy. Jarystyń 1/16 fınaldyq satysynda Túrkııanyń «Galatasaraı» klýbyna (1:2, 1:3) jol berdi. Eýropa lıgasy toptyq kezeńine olar 2017/2018 jylǵy kezeńde de shyqty. Bul joly Shveıtsarııanyń «Lýgano», Rýmynııanyń «Stıaýa» jáne Chehııanyń «Vıktorııa Plzen» klýbtarymen sheberlik baıqasqan olar tórtinshi oryn aldy. Byltyr aldymen Chempıondar lıgasynyń alǵashqy eki irikteý kezeńinde oınady. Degenmen ekinshi kezeńde qarsylasyna jol berip, Eýropa lıgasy úshinshi irikteý kezeńine joldama alǵan edi. Degenmen bul joly da qarsylasyna ese jiberip, toptyq kezeńge shyǵýdan tys qalyp qoıdy.
Bezr-Sheva qalasynda 200 myńǵa tarta adam turady. Komanda óz oıyndaryn «Toto Terner» stadıonynda ótkizedi. Ol sol eldiń memlekettik jáne áskerı qaıratkeri ıAakov Ternerdiń qurmetine berilgen. Stadıon 2015 jyly paıdalanýǵa berilgen. Onda 16 myńnan astam jankúıer oıyndy tamashalaı alady.
«Hapoel» (Bezr-Sheva) jáne «Qaırat» komandalary arasyndaǵy kezdesý Nur-Sultan ýaqytymen 23.20-da bastalady. Kezdesý Qazsport telearnasynan tikeleı efırde kórsetiledi. Qarymta oıyn 1 tamyzda Almaty qalasynda ótkizedi. Bul juptyń jeńimpazy Eýropa lıgasy úshinshi irikteý satysynda Shvetsııanyń «Norrchepıng» jáne Latvııanyń «Lıepaıa» komandalarynyń jeńimpazymen oınaıdy.