Eýropa lıgasy: «Qaırat» pen «Ordabasynyń» qarsylastary anyqtaldy
NUR-SULTAN. QazAqparat - Búgin Shveıtsarııanyń Non qalasynda UEFA Eýropa lıgasy birinshi irikteý satysynyń jerebesi tartyldy. Dop dodasynda elimizdiń atynan synǵa túsetin Almatynyń «Qaırat» jáne Shymkenttiń «Ordabasy» komandalarynyń qarsylastary anyqtaldy, dep habarlaıdy QazAqparat tilshisi.
Alǵashqy irikteý satysynda «Qaırat» Armenııanyń «Noa» komandasymen sheberlik baıqasady. Atalǵan klýb 2017 jyly qurylǵan. Bıyl Armenııa chempıonatynda kúmis júldege qol sozyp, oǵan qosa kýbok ıegeri atandy. Eýrokýbok oıyndaryna tuńǵysh márte qatysyp otyr.
Al «Ordabasy» Rýmynııanyń «Botashanı» klýbymen kezdesedi. «Botashanı» 2001 jyly qurylǵan. Bıyl óz elinde tuńǵysh márte qola júldege qol sozdy.
Qazaqstandyq taǵy bir klýb «Qaısar» týrnırdiń ekinshi satysynda alǵashqy qarsylasymen sheberlik baıqasady.
Bıyl Eýropa lıgasynda irikteý kezeńinde jeńimpaz bir ǵana oıynnan anyqtalady. Kezdesýde teń nátıje tirkelgen jaǵdaıda jarystyń kelesi satysyna beriletin joldama ıesi qosymsha kezeń nemese penaltı serııasy arqyly belgili bolady.
