Eýropa lıgasy: «Qaırat» - «Makkabı» 1:1
ALMATY. QazAqparat - Jańa ǵana Almatynyń Ortalyq stadıonynda Eýropa Lıgasynyń ekinshi irikteý raýndy aıasynda «Qaırat» fýtbol komandasy men Tel-Avıvtiń «Makkabı» (Izraıl) fýtbol klýbynyń kezdesýi aıaqtaldy. Asa tartysty ótken matchta almatylyqtar qarsylastarymen 1:1 esebimen teń oınady.
Komandalar jasyl alańǵa mynadaı quramda shyqty:
«Qaırat» FK: Vladımır Plotnıkov, Ermek Qýantaev, Stanıslav Lýnın, Jarko Markovıch, Ǵafýrjan Súıimbaev, Mıhaıl Bakaev, Anatolıı Tımoşýk, Andreı Arshavın, Baýyrjan Islamhan, Isael, Jerar Goý.
Zapastaǵylar: Stas Pokatılov, Qýat Islambek, Sesar Arzo, Baýyrjan Turysbek, Aslan Darabaev, Gael Tavamba jáne Gerson Asevedo.
«Makkabı» FK: Predrag Raıkovıch, Harıs Medýjanın, Gal Alberman, Tal Ben-Haım, Dor Mıha, Eıtan Tıbı, Aıraham Rıkan, Tal Ben Haım, Nosa Igebor, Orlando Sa, Don Perets
Zapastaǵylar: Havıv Ohavon, Eden Ben Basat, Barak Itjakı, Omrı Benr Harýsh, Egor Fılıpenka, Eıal Golasa, Iossı Benaıýn.
Oıyn bastala salysymen alań ıeleri, jankúıerlerdiń qyzý qoldaýymen oıyn tizginin óz qoldarynda ustap, úzdiksiz shabýyl jasaýǵa kóshti. Degenmen, Izraıldiń «Makkabı» komandasy ońaı shaǵylar jańǵaq emestigin kórsetti. Qorǵaýshylary saýatty qorǵana bildi. Osylaısha, oıyn ári qaraı teń dárejede órbidi. «Qaırattyqtardyń» shabýyly kóbinese Baýyrjan Islamhan arqyly damyp otyrdy. Alaıda, «Makkabı» qorǵaýshylarynyń utymdy ádisiniń arqasynda, «Qaırattyń» shabýyl ótindegi oıynshysy Jerar Goý birneshe ret oıynnan tys qaldy. Kóp uzamaı «qaırattyqtardyń» qorǵaýshylary qatelikterge boı aldyra bastady. Osynyń saldarynan qaýipti sátter týyndaı bastady. Baqytqa oraı, Vladımır Plotnıkov sheberliginiń arqasynda komandany eki ret goldan qutqaryp qaldy. Degenmen, «Qaırat» komandasynyń kezekti shabýyl sátti aıaqtaldy. Aıyp alańyna enteleı kirgen Goýdyń keri qaraı tapken pasyn artynan kele jatqan Andreı Arshavın utymdy paıdalandy. Dopty toqtatpaǵan kúıi qaqpaǵa baǵyttap, torda týlatty. Birinshi taım 1:0 esebimen aıaqtaldy.
Ekinshi taım nóser jaýynǵa qaramastan alma-kezek shabýyldarmen órbidi. Izraıldikter birneshe ret jerlesterimizge qarsy dóreki oınady. Alaıda fındik tóreshi Anttı Mýnýkka baıqamaǵan syńaı tanytty. Oıynnyń 66-shy mınýtynda «Qaırat» komandasynyń jankúıerleri Vladımır Plotnıkovke oryndarynan turyp qol soqty. Ol aıyp alańynda ózine betpe-bet shyqqan «Makkabıdiń» shabýylshysy Igeobrdyń tepken dobyn qaıtaryp úlgerdi.
Al, oıynnyń 68-shi mınýtynda Mıhaıl Bakaevtyń alańnyń ortasynan derlik qarsylastar qaqpasynyń oń qaptalyna qaraı bergen pasyna Isael Barboza birinshi bolyp jetti. Alaıda qaqpaǵa qaraı qaıyra tepken doby qaqpashynyń búıirine tıip keri serpildi. Oıynnyń sońyna qaraı, ızraıldikter qysymdy kúsheıtip, dopqa jıi ıelik ete bastady. Al, «qaırattyqtar» qorǵanysqa kóshti.
Ókinishke qaraı, oıynnyń qosymsha ýaqytynyń alǵashqy mınýtynda evreıler oıyndy teńestirip ketti. Goldyń avtory - Iossı Benaıýn. Qosymsha ýaqyttyń sońǵy mınýtynda «qaırattyqtar» tamasha shabýyl uıymdastyryp, gol salǵan edi. Biraq, ol eseptelmedi. Nege deısiz ǵoı? Sóıtse, sonyń aldynda ǵana qaqpaǵa qaraı umtylǵan Baýyrjan Islamhan aıyp alańynyń syrtyna jete bere «Makkabıdiń» qorǵaýshysyna qarsy dóreki oınaǵan eken. Onsyz da evreılerge búıregi buryp júrgen fındik tóreshi Anttı Mýnýkka goldy eseptemedi jáne onymen turmaı Baýyrjandy alańnan qýdy. Endi Baýyrjan Islamhan ókinishke qaraı, syrt alańda áriptesterine kómektese almaıdy.
Oıyn 1:1 esebimen teń aıaqtaldy.
