Eýropa lıgasy: «Qaırat» qarsylasyna ese jiberdi
NUR-SULTAN. QazAqparat - UEFA Eýropa lıgasy ekinshi irikteý satysynda almatylyq «Qaırat» Izraıldiń «Makkabı» (Haıfa) komandasymen kezdesti, dep habarlaıdy QazAqparat tilshisi.
Bul kezdesý Izraıl jerinde ótti. Oıyn jeńimpazy bir ǵana kezdesý arqyly anyqtaldy.
Kezdesýde alań ıeleri esep ashty. Ony 31-mınýtta ıÝval Ashkenazı óziniń enshisine jazdy. Al 45-mınýtta «Qaırat» shabýylshysy Vagner Lav tarazy basyn teńestirdi.
Ekinshi kezeńniń 72-mınýtynda alań ıeleri qatarynan Nıkıta Rýkavıtsa óz komandasyn qaıta alǵa shyǵardy. Oıynda «Makkabı» komandasy 2:1 esebimen jeńiske jetti. Endi olar jarysty jalǵastyratyn boldy.
Esterińizge sala ketelik, búgin atalǵan týrnırdiń ekinshi irikteý satysynda qazaqstandyq «Astana» jáne «Qaısar» jarys jolynan shyǵyp qaldy. Al birinshi irikteý satysynda «Ordabasy» qarsylasyna ese jiberip qoıǵan edi.
