Eýropa lıgasy: «Qaırat» qarsylasyn jeńip jatyr
NUR-SULTAN. Almatynyń «Qaıraty» UEFA Eýropa lıgasy ekinshi irikteý kezeńindegi qarymta kezdesýde Izraıldiń «Hapoel» (Bezr-Sheva) komandasyn qabyldap jatyr, dep habarlaıdy QazAqparat tilshisi.
Izraılde ótken alǵashqy kezdesýde «Hapoel» 2:0 esebimen jeńiske jetken edi. Sondyqtan búgingi kezdesýde almatylyq fýtbolshylar kem degende úsh dop aıyrmasymen basym túsýi tıis.
Alǵashqy mınýttan «Qaırat» quramynda Stas Pokatılov, Ǵafýrjan Súıimbaev, Rade Dýgalıch, Eldos Ahmetov, Dıno Mıkanovıch, Islambek Qýat, Aıbol Ábiken, Georgıı Jýkov, Erkebýlan Seıdahmet, Baýyrjan Islamhan jáne Aderınsola Eseola shyqty.
Al «Hapoel» sapynda jasyl alań tórinen Ernestas Shetkýs, Shon Goldberg, Mıgel Vıtor, Loaı Taa, Ben Bıtto, Eden Shamır, Davıd Keltens, Marýan Kabha, Ramzı Safýrı, Djımmı Marın jáne Naıdjel Hasselbaınk kórindi.
Birinshi kezeńde almatylyq fýtbolshylar alǵa umtyldy. Degenmen ızraıldik fýtbolshylar laıyqty qarsylyq tanytty. Kezdesýdiń 40-mınýtynda Rade Dýgalıch «Qaırat» komandasyn alǵa shyǵardy. Bizdiń komanda jarystyń kelesi satysyna shyǵýy úshin qarsylastar qaqpasyna taǵy da eki gol soǵyp, óz qaqpasyna gol jibermeýi tıis. Esterińizge sala ketelik, eki komandanyń jeńimpazy Shvetsııanyń «Norrchepıng» jáne Latvııanyń «Lıepaıa» jubynyń jeńimpazymen kezdesedi.
Dál qazir elordada «Astana» men Andorranyń «Santa-Kolomamen» 1:1 esebimen teń túsip jatsa, Shymkentte «Ordabasy» Chehııanyń «Mlada-Boleslav» komandasynan 2:3 esebimen jeńilip jatyr.
