Eýropa lıgasy: «Qaırat» qarsylasymen teń túsip jatyr
ALMATY. QazAqparat - Búgin UEFA Eýropa lıgasy birinshi irikteý satysynyń qarymta oıyndary ótip jatyr. Dál qazir Almatyda pen Bosnııa jáne Gertsogovınanyń «Shırokı Brıeg» komandasy arasyndaǵy kezdesýdiń birinshi kezeńi aıaqtaldy, dep habarlaıdy QazAqparat tilshisi.
Esterińizge sala ketelik, eki komanda arasyndaǵy alǵashqy kezdesýde syrt alańda «Qaırat» 2:1 esebimen jeńiske jetken edi. Sondyqtan qonaqtar jarysty jalǵastyrý úshin kem degende eki gol aıyrmasymen dop soǵýy tıis.
«Qaırat» quramynda alǵashqy mınýttan Stas Pokatılov, Ǵafýrjan Súıimbaev, Rade Dýgalıch, Eldos Ahmetov, Dıno Mıkanovıch, Islambek Qýat, Aıbol Ábiken, Georgıı Jýkov, Baýyrjan Islamhan, Erkebulan Seıdahmet, Aderınsola Eseola jasyl alańnan kórindi. Olarǵa qarsy «Shırokı Brıeg» quramynda Martın Zlomıslıch, Iosıp Kvesıch, Bernardo Matıch, Domınık Kovachıch, Dıno Chorıch, Mateo Marıch, Ivan Enın, Marıo Babıch, Tonı Iovıch, Petar Franıch, Drajen Bagarıch shyqty,
Alǵashqy mınýttan alań ıeleri oıyn tizginin qolǵa alýǵa tyrysty. Arasynda bosnııalyq fýtbolshylar qarsy shabýylǵa shyǵyp turdy. Degenmen birinshi kezeńde esep ashylǵan joq.
