Eýropa lıgasy: «Qaırat» Gollandııa komandasymen teń oınap jatyr
ASTANA. QazAqparat - Qazir fýtboldan Eýropa lıgasy ekinshi irikteý kezeńiniń qarymta oıyndary ótip jatyr. Almatynyń «Qaırat» komandasy syrt alańda Gollandııanyń «AZ Alkmaarymen» birinshi kezeńnen keıin 1:1 esebimen teń tústi, dep habarlaıdy QazAqparat tilshisi.
Oıynnyń bastapqy kezeńinde alań ıeleriniń basymdyǵy aıqyn ańǵarylyp turdy. Bizdiń jigitter negizinen qorǵanysqa kóńil bólip jatty. Bul alǵashqy 20-mınýtqa deıin kórinis berip turdy. «Qaırat» jigitteri óziniń aıyp alańynda júrýge májbúr boldy.
Oıynnyń 28-mınýtynda alań ıeleri qaqpasyna penaltı belgilendi. Ony «Qaırattyń» kapıtany Baýyrjan Islamhan múltiksiz oryndady. Al 42-mınýtta gollandııalyq Gýs Tıl tarazy basyn teńestirdi. Dál qazirgi eseppen «Qaırat» jarysty jalǵastyrýǵa jaqyn tur. Almatylyq klýb óz alańynda atalǵan qarsylasyn 2:0 esebimen tize búktirgen edi.
Bul juptyń jeńimpazy Eýropa lıgasynyń úshinshi irikteý kezeńinde 7 -14 tamyz kúnderi Chehııanyń «Sıgma» komandasymen kezdesedi.
