EÝROPA LIGASY: «Qaırat» «Esbergke» ese jiberip, kelesi kezeńge óte almaı qaldy
ALMATY. QazAqparat - Búgin Almatynyń «Qaırat» komandasy Eýropa lıgasynyń ekinshi irikteý kezeńi aıasynda Danııanyń Esberg qalasynda jergilikti «Esberg» komandasymen kezdesip, 0:1 esebimen jeńilis tapty.
Oıyn bastalysymen «qaırattyqtar» jınaqylyq tanytyp, barynsha uqypty oınaýǵa tyrysty. Degenmen, danııalyqtar oıyn tizginin qoldan shyǵarǵan joq. Alań ortasy solardyń ıeliginde boldy.
Oıynnyń 31-mınýtynda qorǵaýshylardyń qateligin utymdy paıdalanǵan danııalyq ıAkob Anhelson dop soǵyp, esepti ashty. Artynsha «qaırattyqtar» úshin esepti teńestirýge múmkindik týdy. Biraq Isaeldiń tepken doby qaqpanyń mańdaıshasyna tıip, keıin serpildi. Birinshi taımda danııalyqtardyń tepken segiz dobynyń tórteýi qaqpaǵa dál baǵyttalsa, «qaırattyqtardyń» tepken bar-joǵy úsh doby qaqpa syrtyna ketti.
Ekinshi taımda oıyn sıpaty ózgergen joq. Oıynnyń 48-mınýtynda «Qaırattyń» qaqpashy Homıch jaqyn jerden sol qaptalyna qaraı tebilgen dopty qaıtaryp, eseptiń eselenýine múmkindik bermedi. «Qaırat» komandasy dopqa kóbirek ıelip etip, birneshe ret qaýipti sátti týǵyzǵanymen, múlt ketip jatty.
Sonymen «Esberg» 1:0 esebimen jeńiske jetip, Eýropa lıgasynyń kelesi kezeńine joldama aldy. Al, «Qaırat», ókinishke qaraı, Eýropa lıgasynan syrt qaldy.
