EÝROPA LIGASY: «Qaırat»-«Bordo» matchynyń bıletteriniń quny belgili boldy
ASTANA. QazAqparat - «Bordo» FK resmı saıtynda habarlanǵandaı, almatylyqtarmen oıynda komandanyń jaqsy qoldaýǵa ıe bolýyn qamtamasyz etý maqsatynda Eýropa Lıgasynyń pleı-off raýndynda bıletter baǵasyn kótermeý týraly sheshim qabyldandy, dep habarlaıdy Sports.kz.
Maýsymdyq abonentter ıeleri oıyndy tegin tamashalaı alady. 16 jasqa deıingi jankúıerler úshin match bıletiniń quny 5 eýro (1 051 teńge 16 tıyn) bolmaq.
Al qalǵandar úshin onyń baǵasy - 8 eýrodan 24 eýroǵa deıin (1 681 teńge 86 tıynnan 5 045 teńge 58 tıynǵa deıin). Oıyn ótetin kúni kassada barlyq bıletterdiń baǵasy 2 eýroǵa (420 teńge 46 tıynǵa) joǵary bolady. Eske sala keteıik, «Bordo» - «Qaırat» komandalarynyń kezdesýi «Qazaqstan» telearnasynan tikeleı efırde kórsetiledi. Ol 21 tamyzǵa qaraǵan túni Almaty ýaqyty boıynsha saǵat 00:30-da Bordo qalasynyń «Nývo Stad de Bordo» stadıonynda bastalady.
Al qarymta match 27 tamyz kúni Almaty qalasynyń Ortalyq stadıonynda ótedi.
