EÝROPA LIGASY: «Qaırat» - «Bordo» 2:1
ALMATY. QazAqparat- Jańa ǵana Almatynyń Ortalyq stadıonynda Eýropa Lıgasynyń pleı-off kezeńi aıasynda «Qaırat» fýtbol komandasy men Frantsııanyń «Bordo» fýtbol klýbynyń kezdesýi aıaqtaldy. Asa tartysty ótken matchta almatylyqtar qarsylastaryn 2:1 esebimen tize búktirdi. Biraq, «Bordo» syrt alańda gol soqqan soń, kelesi toptyq kezeńge ótti. «Qaırat» Eýropa Lıgasynda oıynyn osymen aıaqtady.
Al búgin match óte tartysty ótti. Oıyn bastala salysymen alań ıeleri dopqa ıelik etip, jankúıerlerdiń qyzý qoldaýymen batyl shabýylǵa kóshken edi. Qarsylastardyń aıyp alańynda týyndaǵan qarbalas sátte qorǵaýshy Sedrık ıAmbere óz qaqpasyna gol salyp qoıdy. Esep 1:0 «Qaırat» alda! Sol-aq eken, frantsýzdar shabýyldy údete tústi. Biraq, almatylyqtar qorǵanysta saýatty oınap, qarymta shabýylǵa shyǵyp otyrdy. Eki komanda da alma-kezek shabýyl uıymdastyrýmen boldy. Búgin jankúıerlerdiń qoldaýy erekshe boldy. «Qaırat, chempıon!» dep úzdiksiz urandap jatty. Oıynnyń ortasyna qaraı, frantsýzdyq komanda pas berýdiń jáne aıyp alańyna dop asyrýdyń sheberi ekendikterin tanytty. Biraq «Qaırat» qorǵanysta salqynqandylyq tanytyp, saýatty oınady. Dop úshin talasta jankeshtilik tanytty. Oıynnyń 41-shi mınýtynda qarsylastar tarapynan aıyp alańynyń syrtynan tebilgen dop Plotnıkov qorǵaǵan qaqpanyń ústinen zýlady. Al artynsha, 42-shi mınýtta qarsylastardyń aıyp alańynda pas alǵan Jerar Goý utymdy sátte dopty ıgere almaı qaldy. Birinshi taımda basqa gol soǵylǵan joq. Ekinshi taımda oıyn asa tartysty bola tústi. Oıynnyń 65-shi mınýtynda Qýat Islambek gol soǵyp, esepti 2:0-ge jetkizdi. Degenmen, oıynnyń 76-shy mınýtynda qarsylastar komandasynyń oıynshysy Enzo Grıvellı esep ashty. Esep 2:1. Budan artyq esep ózgergen joq. Oıyn osy eseppen aıaqtaldy. Aıta ketelik, buǵan deıin, ústimizdegi jyly 21-shi tamyzǵa qaraǵan túni Bordo qalasynyń «Nývo Stad de Bordo» stadıonynda ótken matchta almatylyqtar 1:0 esebimen jeńilis tapqan bolatyn. Osylaısha, búgingi eseptiń qorytyndysy boıynsha Almatynyń «Qaırat» komandasy Eýropa Lıgasynan shyǵyp qaldy.
