Eýropa lıgasy: «Qaırat» Andorra klýbymen oınaıdy

ASTANA. QazAqparat - Almatynyń «Qaırat» fýtbol komandasynyń Eýropa lıgasy birinshi irikteý kezeńindegi qarsylasy anyqtaldy. Almatylyqtar Andorranyń «Engordanı» klýbymen sheberlik baıqasady, dep habarlaıdy QazAqparat tilshisi.

«Engordanı» komandasy 1980 jyly  «Sportıng Eskal Engordan» ataýymen qurylǵan. 2001 jyldan beri qazirgi ataýymen oıyn kórsetedi. Atalmysh klýb 14 282 myń turǵyny bar Eskaldes-Engordan qalasynyń namysyn qorǵaıdy. Olar 1300-ge jýyq adam sııatyn  «Komýnal d'Andorra-la-Velıa» jáne 900-ge jýyq jankúıer qabyldaı alatyn «Komýnal d'Aıshovall» stadıondarynda qarsylastaryn qabyldaıdy. Keıde óz qarsylastarymen Ispanııanyń Alas-ı-Serk qalasyndaǵy 1500 adamdyq «Sentre Esportıý d'Alas» stadıonynda oınaıdy. Komanda quramynda jergilikti oıynshylarmen birge Ispanııa, Argentına, Portýgalııa, Ýrýgvaı, Týnıs, Gvıneıa sekildi elderden kelgen fýtbolshylar da bar.

 «Qaırat» atalǵan qarsylasymen 12 shildede syrtqy alańda, 19 shildede óz alańynda oınaıdy. Qos komandanyń jeńimpazy ekinshi irikteý kezeńinde Gollandııanyń «AZ Alkmaar» klýbymen kezdesedi. Transfermarkt.de saıtynyń esebinshe «Engordanı» klýby fýtbolshylarynyń jalpy baǵasy 325 myń eýrony shamalaıdy. Al «Qaıratta» ol 17,4 mıllıon eýrony quraıdy.

«Engordanı» aldyn-ala irikteý kezeńinde San-Marınonyń «Folgore» klýbyn óz alańynda 2:1 esebimen jeńip, syrt alańda 1:1 esebimen etń oınady. Qos oıynnyń qorytyndysymen jarysty jalǵastyratyn boldy.