Eýropa lıgasy: «Inter» fınalǵa joldama aldy
NUR-SULTAN. QazAqparat - Búgin UEFA Eýropa lıgasynda fınalǵa shyqqan ekinshi komanda belgili boldy, dep habarlaıdy QazAqparat tilshisi.
Jartylaı fınaldyń ekinshi kezdesýinde Italııanyń «Inter» jáne Ýkraınanyń «Shahter» komandalary sheberlik baıqasty. Oıyn tartysty ótti deýge negiz bar. Ekeýi de shabýylǵa kóbirek shyǵyp, qyzý oıyn ótkizdi.
Dese de birinshi kezeńde «Inter» komandasynyń joly boldy. Oıynnyń 19-mınýtynda Laýtaro Martınes ýkraın qorǵaýshylarynyń qateligin sheber paıdalanyp ketti. Budan keıin qos komanda tarapynan da esepti ózgertetin birneshe múmkindik kezdesti. Alaıda tablodaǵy esep sol kúıinshe ózgerissiz qaldy.
Ekinshi kezeńde «Shahterdiń» qaqpasyna taǵy da tórt gol soǵyldy. Ony Danılo D'Ambrozıo 64, Laýtaro Martınes 74, Romelý Lýkaký 78, 83-mınýttarda qaqpaǵa engizdi. Osylaısha «Inter» 5:0 esebimen jeńiske jetti.
Budan buryn fınalǵa Ispanııanyń «Sevılıa» komandasy joldama alǵan bolatyn. Ol 16 tamyzda Anglııanyń «Manchester ıÝnaıted» komandasynan 2:1 esebimen basym túsken bolatyn.
Fınal 21 tamyzda Keln qalasyndaǵy «Reın Energı» stadıonynda bolady.
