Eýropa lıgasy: «Genk» - «Aqtóbe» 2:1
ALMATY. 3 tamyz. QazAqparat - Keshe syrt alańda ÝEFA Eýropa lıgasynyń 3-raýndyndaǵy alǵashqy kezdesýin ótkizgen aqtóbelik fýtbolshylar Belgııanyń «Genk» komandasynan 2:1 esebimen utylyp qaldy.
3 dop ta qos komandanyń qaqpasyna oıynnyń alǵashqy jartysynda soǵyldy. Atap aıtqanda Andreı Sıdelnıkov qorǵaǵan aqtóbelikterdiń qaqpasynyń kiltin alań qojaıyndary 18-mınýtta penaltı arqyly ashqan. Petr Badlo 25-mınýtta esepti teńestirgenimen, oıynnyń ekinshi jartysynda Krrıstına Jozef-Monroz tablodaǵy esepti óz komandasynyń paıdasyna ózgertti. Oıynnyń ekinshi jartysynda ol sol kúıi qaldy. Sonymen alǵashqy kezdesý 2:1 esebimen Marıo Been jattyqtyratyn genktik fýtbolshylardyń paıdasyna sheshildi. Vladımır Mýhanovtyń shákirtteri endi 9 tamyzda óz alańynda ótetin qarymta kezdesýde ese qaıtarýǵa bar kúshin jumsaıtyn bolady.
