Eýropa lıgasy: «Ertis» utty, «Aqtóbe» jeńildi
ASTANA. 19 shilde. QazAqparat - Fýtboldan Kerekýdiń «Ertis» komandasy óz alańynda bosnııalyq «Shırogı Breg» klýbymen kezdesip, 3:2 esebimen jeńiske jetti.
Al «Aqtóbe» komandasy syrt alańda norvegııalyq «Hedd» klýbynan utylyp qaldy. Bul týraly «Alaman» habarlady.
Eýropa lıgasynyń ekinshi irikteý kezeńi aıasynda ótken matchty bizdiń komanda sátti bastaǵan. Birinshi taım bitpeı jatyp, alań ıeleri eki gol saldy. 14 mınýtta Dmıtrıı Shomko aıyp dobyn sátti oryndap, esep ashty. Al 41 mınýtta Evgenıı Averchenko shyǵarǵan pasty sátti paıdalanǵan Igor ıÝrın tablodaǵy esepti eseledi. Osy nátıjemen qos komanda úziliske ketken.
Ekinshi taımda qonaqtar serpindi bastady. Al «Ertis» qorǵanysy setinep, 56 mınýtta Kreshımıch Kordıch esepti qysqartty. Arada on mınýt ótpeı jatyp Dalıbor Shılıch tarazy basyn teńestirip ketti.
Degenmen, «Ertis» baryn salyp, jeńisti julyp aldy. Úshinshi goldyń avtory - Ǵafýrjan Súıinbaev.
Al norveg elinde ótken «Aqtóbe» men «Hedd» arasyndaǵy oıynnyń taǵdyryn sheshken jalǵyz goldy Espen Standal soqty
Qarymta oıyndar 25 shildede ótedi.
