Eýropa lıgasy: Búgin qazaqstandyq klýbtardyń qarsylastary anyqtalady
NUR-SULTAN. QazAqparat - Búgin Shveıtsarııanyń Non qalasynda fýtboldan UEFA Eýropa lıgasy birinshi irikteý satysynyń jerebesi tartylady, dep habarlaıdy QazAqparat tilshisi.
Jerebe tartý rásimi elorda ýaqytymen 16.00-de bastalady. Tikeleı telekórsetilim UEFA resmı saıtynda júrgiziledi.
Esterińizge sala ketelik, bıyl Eýropa lıgasynda elimizdiń atynan Almatynyń «Qaırat», Shymkenttiń «Ordabasy» jáne Qyzylordanyń «Qaısar» komandalary baq synaıdy. «Qaırat» pen «Ordabasy» jarysty birinshi satysynan bastasa, «Qaısar» ekinshi satysynda alǵashqy qarsylasymen sheberlik baıqasady.
Bıyl Eýropa lıgasynda irikteý kezeńinde jeńimpaz bir ǵana oıynnan anyqtalady. Kezdesýde teń nátıje tirkelgen jaǵdaıda jarystyń kelesi satysyna beriletin joldama ıesi qosymsha kezeń nemese penaltı serııasy arqyly belgili bolady.
Aıta ketelik, 9 tamyzda Chempıondar lıgasynda synǵa túsetin elordalyq «Astana» komandasynyń qarsylasy anyqtaldy.
