Eýropa lıgasy: Birinshi kezeńnen keıin «Tobyl» «Pıýnıkpen» teń túsip jatyr
ASTANA. QazAqparat - Dál qazir Armenııa astanasy - Erevan qalasynda fýtboldan Eýropa lıgasy ekinshi irikteý kezeńinde Qostanaıdyń «Tobyly» jergilikti «Pıýnık» komandasymen kezdesýdiń ekinshi kezeńi bastaldy. Kezdesýdiń birinshi kezeńi 0:0 esebimen aıaqtaldy, dep habarlaıdy QazAqparat tilshisi.
Alǵashqy mınýttan «Pıýnık» sapynda Dragoevıch, Grıgorıan, Avetısıan, Korıan, Trýsevıch, Voınov, Dmıtrıev, Aırapetıan, Kado, Ovsepıan, Jestokov jasyl alańǵa shyqsa, «Tobyl» quramynda Nepogodov, Kassaı, Mıroshnıchenko, Dmıtrenko, Kvekveskırı, Nurǵalıev, Kankava, Jýlpa, Nóserbaev, Bystrov, Fedın boldy.
Oıynnyń bastapqy kezeńinde «Tobyldyń» basymdyǵy baıqalyp turdy. Olar tezirek gol soǵyp alý múmkindigin izdedi. Onyń sebebi belgili. Syrt alańda soqqan gol komandaǵa qosymsha múmkindik beretini ras. Bul jaǵdaıda alań ıeleri kem degende úsh dop soǵýǵa tyrysady. Birinshi kezeńde qos komanda da qaýipti sátter uıymdastyra alǵan joq.
Esterińizge sala ketelik, eki komanda arasyndaǵy Qostanaıda ótken kezdesýde «Tobyl» 2:1 esebimen jeńiske jetti. Ázirge olardyń bul jeńisi komandany jarystyń úshinshi irikteý kezeńine alyp shyǵyp otyr.
