Eýropa lıgasy: Birinshi kezeńnen keıin «Qaırat» qarsylasynan jeńilip jatyr
ALMATY. QazAqparat - Almatyda jergilikti «Qaırat» fýtboldan Eýropa lıgasynyń úshinshi irikteý kezeńinde Chehııanyń «Sıgma» komandasyn qabyldap, olardan 0:1 esebimen jeńilip jatyr, dep habarlaıdy QazAqparat tilshisi.
Chehııada ótken alǵashqy kezdesýde «Qaırat» qarsylasynan 0:2 esebimen utylyp qalǵan edi. Sondyqtan qazirgi sátte almatylyq klýb jarysty jalǵastyrýdan shet qalyp tur
Negizi oıynda «Qaırattyń» basymdyǵy baıqalady. Dese de jıi shabýyldy golǵa aınaldyrýǵa sáttilik jetispeı jatqan sekildi. «Qaırat» aldaǵy jarysty jalǵastyrýy úshin tórt gol soǵýy tıis.
Búgingi kezdesýde «Qaırattyń» joly bolyp, jarystyń pleı-off satysyna shyǵyp jatsa, olarǵa Ispanııanyń «Sevılıa» nemese Lıtvanyń «Jalgırıs» komandasy qarsylas atanýy múmkin.
Aıta keterligi, Ispan klýby búgin syrt alańda Lıtvanyń Vılnıýs qalasynyń «Jalgırısimen» sheberlik baıqasady. Alǵashqy oıyn 1:0 esebimen «Sevılıanyń» basymdyǵymen aıaqtalǵan edi.
