Eýropa lıgasy: Birinshi kezeńnen keıin «Astana» teń oınap jatyr
ASTANA. QazAqparat - Búgin fýtboldan Eýropa lıgasy toptyq kezeńindegi sońǵy týr oıyndary ótip jatyr. Eýropa lıgasynda K tobynda synǵa túsip jatqan elordalyq «Astana» syrt alańda Frantsııanyń «Renn» komandasymen kezdesýdiń birinshi kezeńi aıaqtaldy, dep habarlaıdy QazAqparat tilshisi.
Atalmysh kezdesýde alǵashqy mınýttan «Astana» sapynda Nenad Erıch, Baktıer Zaınýtdınov, Evgenıı Postnıkov, Marın Anıchıch, Antonıo Rýkavına, Ivan Maevskıı, Laslo Klıaınhaısler, Rıchard Almeıda, Marın Tomasov, Pedro Enrıke men Djýnıor Kabananga shyqty. Olarǵa qarsy «Renn» Abdýlaı Dıallo, Ramı Bensebaını, Damen Da Sılva, Mesher, Amarı Traore, Benjamen Býrıgo, Benjamen Andre, Kleman Grene, Ismaıla Sarr, Teozon Sıbacho, Hatem Ben-Arfa oınady.
Birinshi kezeń alań ıeleri basymdyǵymen ótti. Bizdiń fýtbolshylar negizinen qorǵanysta júrdi. Keıbir sátterde astanalyq qaqpashy Nenad Erıchtiń sheberligi kórindi.
Biz búgingi oıynnyń mańyzy jóninde budan buryn habarlaǵan edik.
Aıta keterligi, búgingi kezdesýde «Astana» teń tússe nemese jeńiske jetken jaǵdaıda jarystyń pleı-off kezeńine joldama alady. Oıyn «Renniń» basymdyǵymen aıaqtalsa, joldama frantsýz fýtbolshylarynyń qanjyǵasynda ketedi.
