Eýropa lıgasy: Birinshi kezeńnen keıin «Astana» men «Renn» teń oınap jatyr
ASTANA. QazAqparat - Dál qazir elordadaǵy «Astana-arena» stadıonynda Eýropa lıgasy toptyq kezeńindegi ekinshi týrda «Astana» Frantsııanyń «Renn» komandasyn qabyldap jatyr. Birinshi kezeńde qos komanda esep asha alǵan joq, dep habarlaıdy QazAqparat tilshisi.
Elordalyq klýbtyń bas bapkeriniń mindetin atqarýshy Grıgorıı Babaıan alǵashqy mınýttan Nenad Erıch, Evgenıı Postnıkov, Marın Anıchıch, Antonıo Rýkavına, Dmıtrıı Shomko, Rıchard Almeıda, Ivan Maevskıı, Baktıer Zaınýtdınov, Pedro Enrıke, Marın Tomasov jáne Jýnıor Kabananga sekildi jigitterge senim bildirdi. Al «Renn» klýbynyń bas bapkeri Abdýlaı Dıallo, Mehdı Zeffan, Damen Da Sılva, Kleman Grene, Djeıms Lea Sılıkı, Benjamen Býrıgo, Benjamen Andre, Lıýdovık Baal, Jeremı Jelen, Denıs-Vıı Poa jáne Mbaı Nıang oıyn basynan jasyl alańǵa shyǵardy.
Birinshi kezeńde dop negizinen bizdiń jigitterdiń ıeliginde boldy. Esep ashýǵa birneshe múmkindik týǵanymen ol golǵa aınala qoıǵan joq. 20-mınýtta Marın Tomasov «Renn» qaqpasy aýmaǵyna áýelete dop bergen edi. Ol bizdiń shabýylshymyz Jýnıor Kabananganyń dál aldynan óte shyqty. Osyndaı múmkindikti «Astananyń» taǵy bir oıynshysy Rıchard Almeıda da paıdalana alǵan joq. Al birinshi kezeń aıaqtalar tusta Marın Anıchıch te «Renn» qaqpasyn dál kózdeı alǵan joq.
Biz budan buryn «Renn» komandasy jóninde jan-jaqty baıandap bergen edik.
Sondaı-aq, búgin K tobyndaǵy Chehııanyń «ıAblonets» jáne Ýkraınanyń «Dınamo» (Kıev) komandalary kezdesedi. Oıyn Astana ýaqytymen 01-00-de bastalady.
