Eýropa lıgasy: Birinshi kezeńinen keıin «Qaırat» jeńilip jatyr
ASTANA. QazAqparat- Fýtboldan Eýropa lıgasy úshinshi irikteý kezeńindegi alǵashqy oıyndar ótip jatyr. Almatynyń «Qaıraty» Chehııada Olomoýts qalasynyń «Sıgma» komandasymen kezdesip, birinshi kezeńnen keıin 0:1 esebimen jeńilip jatyr, dep habarlaıdy QazAqparat tilshisi.
Qazirge deıingi jalǵyz dop 21-mınýtta «Qaırat» qaqpasyna soǵyldy. Ol «Sıgma» oıynshysy Martın Sladkıdiń enshisine jazyldy. Sondaı-aq, dóreki qımylyna baılanysty «Qaırattyń» qorǵaýshysy Ǵafýrjan Súıimbaev 38-mınýtta qyzyl qaǵaz alyp, alańnan qýyldy.
Jalpy, atalmysh oıynda alań ıeleriniń basymdyǵy baıqalyp otyr. Olar birneshe márte qaýipti shabýyldar uıymdastyryp úlgerdi.
Qos komandanyń jeńimpazy Ispanııanyń «Sevılıa» jáne Lıtvanyń «Jalgırıs» jubynan úzdik shyqqan klýbpen kezdesedi. Olar da búgin ózara tartysqa túsedi. Oıyndar 23 jáne 30 tamyz kúnderi ótedi.
