Eýropa lıgasy: Birinshi kezeńde «Astana» «Manchester ıÝnaıtedpen» teń tústi
NUR-SULTAN. QazAqparat - Dál qazir fýtboldan UEFA Eýropa lıgasy toptyq kezeńinde elordalyq «Astana» men Anglııanyń «Manchester ıÝnaıted» komandalary arasyndaǵy kezdesýdiń alǵashqy kezeńi aıaqtaldy, dep habarlaıdy QazAqparat tilshisi.
Budan buryn «Manchester ıÝnaıted» komandasynyń bas bapkeri Ýle Gýnnar Sýlsher búgingi oıynǵa negizinen jastardy shyǵarǵanyn habarlaǵan edik.
«Manchester ıÝnaıted» komandasynyń bas bapkeri Ýle Gýnnar Sýlsher búgingi kezdesýde negizinen jastarǵa senim artatynyn aıtqan edi. Tipti, búgin jankúıerler Davıd de Hea, Antonı Marsıal, Pol Pogba, Djessı Lıngard sekildi oıynshylar qosalqy quramǵa da engizilgen joq.
Al «Astananyń» bas bapkeri Roman Grıgorchýk burynnan eýrokýbokta oıyn kórsetip júrgen tájirıbeli fýtbolshylarǵa senim artty.
«Manchester ıÝnaıted» jastary alǵashqy mınýttan oıyn tizginin qolǵa alýǵa tyrysty. «Astana» qaqpasy mańynda kóptegen shabýyl uıymdastyrdy.
«Astana» oıynshylary alań ıeleriniń qateligin paıdalanýǵa tyrysty. Osyndaı sátterdiń birinde elordalyq klýb shabýylshysy Roman Mýrtazaev óz múmkindigin múlt jiberip aldy. Birinshi kezeń 0:0 esebimen teń aıaqtaldy.
Aıta keterligi, buǵan deıin Eýrokýbok oıyndarynda el namysyn qorǵaǵan qazaqstandyq klýbtar birde-bir márte Anglııa klýbymen kezdesip kórgen emes. Sondyqtan «Astana»-«Manchester ıÝnaıted» kezdesýi qos eldiń komandalary arasyndaǵy tarıhı oıyn sanalady.
