Eýropa lıgasy: «Astananyń» pleı-off kezeńindegi qarsylasy anyqtaldy
NUR-SULTAN. QazAqparat - Fýtboldan UEFA Eýropa lıgasy pleı-off kezeńine shyǵyp jatqan jaǵdaıda elordalyq «Astanaǵa» qarsylas atanýy múmkin komandalar belgili boldy, dep habarlaıdy QazAqparat tilshisi.
«Astana» 8 jáne 15 tamyz kúnderi Maltanyń «Valletta» komandasymen sheberlik baıqasady. Bul jupta jeńimpaz atanǵan jaǵdaıda elordalyq klýb «Saraevo» (Bosnııa ı Gertsegovına) jáne BATE (Belarýs) komandalary jeńimpazymen pleı-off kezeńinde kezdesetin bolady.
Esterińizge sala ketelik, «Astana» 2016 jyly Eýropa lıgasy pleı-off kezeńinde BATE komandasymen kezdesken bolatyn. Onda elordalyq klýb óz alańynda atalmysh qarsylasyn 2:0 esebimen tize búktirse, syrt alańda 2:2 esebimen basym tústi. Nátıjesinde Eýropa lıgasy toptyq kezeńine joldama aldy. Al qazaqstandyq klýbtar eýrokýbok oıyndarynda búgingi kúnge deıin Bosnııanyń «Saraevo» klýbymen jolyqqan emes.
Aıta ketelik, «Astana» bıyl aldymen UEFA Chempıondar lıgasy birinshi kezeńinde Rýmynııanyń ChFR komandasyna jol berdi. Odan keıin Eýropa lıgasy ekinshi irikteý kezeńine joldama alyp, onda Andorranyń «Santa-Koloma» komandasyn orta jolda qaldyrdy .
