Eýropa Lıgasy: «Astanalyq» fýtbolshy TOP-20 qatarynda
ASTANA. QazAqparat - ÝEFA-nyń resmı saıty FedEx kompanııasymen birlese Eýropa Lıgasynyń búgingi kúni jaqsy babynda júrgen fýtbolshylarynyń reıtıngin jarııalady, dep habarlaıdy QazAqparat Sports.kz saıtyna silteme jasap.
Reıtıngtiń negizine oıynshylardyń Eýropa Lıgasyndaǵy jáne ózderiniń ulttyq chempıonattaryndaǵy ónerleri alyndy, keıin FedEx statıstıkalyq algorıtmi arqyly olardyń qazirgi deńgeıi baǵalandy.
Atalmysh tizimde birinshi orynda ıspanııalyq «Reala Sosedad» klýbynyń qorǵaýshysy Alberto De la Belıa tur. Ekinshi orynǵa ıtalııalyq «Atlantanyń» jartylaı qorǵaýshysy Remo Froıler ornalastyrylǵan. Úzdik úshtikti frantsýzdyq «Lıonnyń» fýtbolshysy Nabıl Fekır tuıyqtaǵan.
«Astana» komandasynyń shabýylshysy Patrık Tvýması reıtıngtiń 19-ynshy ornynda. ÝEFA onyń «Vılıarrealmen» match kezindegi oıynyn joǵary baǵalaǵan. Tvýmasıdiń seriktesi, qorǵaýshy Dmıtrıı Shomko 38-inshi orynǵa turaqtady. Sondaı-aq tizimge «Astananyń» forvardy Jýnıor Kabananga engen - 57-oryn.
