Eýropa lıgasy: «Astana» toptyq kezeńge jete ala ma
NUR-SULTAN. QazAqparat - Búgin elordalyq «Astana» UEFA Eýropa lıgasy ekinshi irikteý satysynda Chernogorııanyń «Býdýchnost» komandasymen kezdesedi, dep habarlaıdy QazAqparat tilshisi.
Esterińizge sala ketelik, «Astana» aldymen UEFA Chempıondar lıgasynda synǵa tústi. Týrnırdiń alǵashqy irikteý satysynda Belarýstiń «Dınamo» (Brest) komandasynan 3:6 esebimen jeńilip qaldy. Al «Býdýchnost» sol týrnırdiń alǵashqy satysynda Bolgarııanyń «Lýdogorets» klýbynan 1:3 esebimen jeńilip qaldy. Osylaısha eki komanda da endi jarysty Eýropa lıgasynda jalǵastyrýǵa joldama aldy.
Chernogorııalyq klýb 1925 jyly qurylǵan. Komanda el astanasy – Podgorıtse qalasynyń namysyn qorǵaıdy. Klýb 1946 jyly ıÝgoslavııa joǵary lıgasyna shyqqan chernogorııalyq tuńǵysh komanda boldy. 1964/65 jáne 1976/77 jylǵy kezeńde ıÝgoslavııa kýbogy fınalyna deıin jetti. Bul komandanyń sol kezeńdegi eń joǵary jetistigi sanalady.
Komanda quramynda káriqurlyqtaǵy belgili klýbtarda oıyn kórsetken fýtbolshylar bar. Olardyń qatarynda Ispanııanyń «Espanolynda» dop tepken Branko Brnovıch, Italııanyń «Mılanynyń» namysyn qorǵaǵan Deıan Savıchevıch, Ispanııanyń «Valensııa», «Real Madrıd», «Levante», Italııanyń «Fıorentına» klýbtarynyń jeıdesin kıgen Pıodrag Mııatovıch sekildi oıynshylar jıi aıtylady. Qazir komanda quramynda negizinen chernogorııalyq fýtbolshylar oıyn kórsetedi.
Chernogorııanyń óz chempıonatynda 2007/08, 2011/12, 2016/17, 2019/20 jylǵy kezeńde tórt márte chempıon atandy. Sondaı-aq, olar bes márte kúmis, bir márte qola júldeger boldy. Birneshe márte óz eliniń atynan eýrokýbok oıyndaryna qatysty. Degenmen búgingi kúnge deıin toptyq kezeńge deıin jete alǵan joq.
Komanda óz alańyndaǵy oıynyn Podgorıtse qalasynda ornalasqan «Pod Gorıtsom» stadıonynda ótkizedi. Bul stadıonǵa 15 myńnan astam jankúıer syıady.
Esterińizge sala ketelik, eki komanda arasyndaǵy kezdesý 17 qyrkúıekte elorda ýaqytymen 20.00-t-de bastalady. Kezdesý «Qazsport» telearnasynan tikeleı efırde kórsetiledi.
