Eýropa lıgasy: «Astana» toptyq kezeńge shyǵa ala ma

Apta buryn eki komanda Kıpr jerinde sheberlik baıqasqan bolatyn. Bul oıynda APOEL 1:0 esebimen jeńiske jetti. Búgingi kezdesýde jeńimpaz klýb anyqtalyp, ol Eýropa lıgasynyń pleı-off kezeńine joldama alady. Ázirge eki komandanyń da múmkindigi bar. Degenmen «Astana» úshin eki jáne odan da kóp gol soǵý - basty talap. Olar óz qaqpasyna gol jiberip almaýǵa nazar aýdarýy tıis. Jaǵdaı qalaı bolady? Ony kezdesý aıaqtalǵannan keıin anyqtaımyz.

Budan burynǵy úsh jylda da «Astana» Eýrokýbok oıyndarynyń toptyq kezeńinde synǵa túsken edi. 2015 jyly Chempıondar lıgasy toptyq kezeńinde baq synap, Ispanııanyń «Atletıko», Portýgalııanyń «Benfıka» jáne Túrkııanyń «Galatasaraı» klýbtarymen oınady.

Al 2016 jyly elordalyq klýb atalmysh básekeniń pleı-off kezeńine deıin jetti. Ekinshi irikteý kezeńinde Lıtvanyń «Jalgırıs» komandasyn orta jolda qaldyrǵan olar, Shotlandııanyń «Seltıginen» ári asa almady. Osynyń nátıjesinde Eýropa lıgasy pleı-off kezeńinde synǵa túsip, Belarýstiń BATE klýbyn jeńdi. Osylaısha, atalmysh básekeniń toptyq kezeńinde V tobynda búgingi qarsylasy - APOEL jáne Shveıtsarııanyń «ıAng Boız», Grekııanyń «Olımpıakos» komandalarymen sheberlik baıqasty.

Elordalyq klýb byltyr da jarysty Chempıondar lıgasynda bastady. Aldymen Latvııanyń «Spartak» (ıÝrmala), Polshanyń «Legııa» klýbtaryn utqan «Astana», pleı-off kezeńinde taǵy da «Seltık» klýbymen kezdesip, qos oıynnyń nátıjesimen olarǵa jol berip qoıdy. Osynyń nátıjesinde elordalyq komanda Eýropa lıgasy toptyq kezeńine joldama aldy. Onda Ispanııanyń «Vılıarreal», Chehııanyń «Slavııa» jáne Izraıldiń «Makkabı» (Tel-Avıv) klýbtarymen sheberlik baıqasty. Aıta keterligi, bul jyly olar toptyq kezeńde ekinshi oryn alyp, jarystyń 1/16 fınaldyq satysynda synǵa tústi. Onda Portýgalııanyń «Sportınginen» qos oıynnyń nátıjesimen qalyp qoıdy. Atalmysh oıynnan keıin bolgar mamany Stanımır Stoılov Qazaqstan ulttyq quramasynyń tizginin ustaýyna baılanysty «Astanadaǵy» bas bapker qyzmetinen ketti.

Bıyl «Astana» Chempıondar lıgasynyń alǵashqy irikteý kezeńinde Chernogorııanyń «Sýteskasyn» (1:0, 2:0) jeńip, odan keıin Danııanyń «Mıdtıýlland» komandasynan (2:1, 0:0) basym tústi. Degenmen úshinshi irikteý kezeńinde Horvatııanyń «Dınamo» (Zagreb) klýbyna (0:2, 0:1) ese jiberip qoıdy. Bas bapkerlik jumysyna bıylǵy jyldyń maýsym aıynda ǵana kirisken ýkraınalyq maman Roman Grıgorchýk belgisiz sebeptermen qyzmetinen ýaqytsha ketti. Bul qyzmetti qazaqstandyq Grıgorıı Babaıan ýaqytsha atqaratyn boldy. 

Al APOEL jylma-jyl Chempıondar lıgasy jáne Eýropa lıgasynda synǵa túsip keledi. Keıbir jyldarda toptyq kezeńderde baq synap, kári qurlyqtyń azýly klýbtarymen sheberlik baıqasqan.

Búgingi oıyn jaıly «Astananyń» bas bapkeri mindetin atqarýshy Grıgorıı Babaıan: «Biz jankúıerlerge qýanysh syılaýǵa kúsh salamyz. Sol úshin barymyzdy salamyz», - degen oıyn bildirdi.

Al APOEL ókilderi negizinen qorǵanysqa kóńil bóletinin jasyrǵan joq.

Atalmysh kezdesý elordadaǵy «Astana-arena» stadıonynda ótedi. «Qazsport» telearnasynan 19.50-de tikeleı efırde kórsetiledi.

Ústimizdegi jyly Eýropa lıgasy irikteý kezeńderinde Pavlodardyń «Ertis», Qostanaıdyń «Tobyl» jáne Almatynyń «Qaırat» komandalary synǵa tústi. «Ertis» birinshi, «Tobyl» ekinshi, «Qaırat» úshinshi irikteý kezeńinen asa almady.