Eýropa lıgasy: «Astana» teń túsip, «Ordabasy» jeńilip jatyr
NUR-SULTAN. QazAqparat - Dál qazir elordalyq «Astana» jáne shymkenttik «Ordabasy» komandalary fýtboldan UEFA Eýropa lıgasy ekinshi irikteý kezeńindegi qarymta kezdesýde óz qarsylastarymen oınap jatyr, dep habarlaıdy QazAqparat tilshisi.
«Astana» óz alańynda Andorranyń «Santa-Koloma» komandasymen kezdesip jatyr. Esterińizge sala ketelik, Andorrada ótken alǵashqy kezdesýde 0:0 esebi tirkeldi. Sondyqtan búgingi kezdesýde «Astana» jeńiske jetýi tıis.
Búgin «Astana» quramynda Nenad Erıch, Antonıo Rýkavına, Marın Anıchıch, Dorın Rotarıý, Rýnar Sıgýronsson, Ivan Maevskıı, Fırmın Mýbele, ıÝrıı Logvınenko, Rangelo ıAnga, Evgenıı Postnıkov, Dmıtrıı Shomko shyqty.
Búgingi kezdesýde andorralyq fýtbolshylar esep ashty. Oıynnyń 7-mınýtynda Enrık Pı gol soqty. Mundaı goldy kútpegen «Astana» alǵa qaraı umtyldy. Degenmen, andorralyq fýtbolshylar oǵan laıyqty qarsylyq kórsete bildi.
Kezdesýdiń 24-mınýtynda «Santa-Koloma» oıynshylary óz alańynda tártip buzdy. Tóreshi belgilegen penaltıdi Rýnar Sıgýronsson múltiksiz oryndady. Osylaısha ázirge tabloda 1:1 esebi janyp tur.
«Astana» búgin jeńiske jetken jaǵdaıda Eýropa lıgasy úshinshi irikteý kezeńinde Maltanyń «Valletta» komandasymen kezdesedi.
Dál qazir Shymkentte jergilikti «Ordabasy» men Chehııanyń «Mlada-Boleslav» komandalary arasyndaǵy kezdesýdiń birinshi kezeńi aıaqtaldy.
«Ordabasy» sapynda Dmıtrıı Nepogodov, Tımýr Dosmaǵambetov, Pablo Fontanello, Sergeı Malyı, Temirlan Erlanov, Marat Bystrov, Abdýlaı Dıakate, Maı Mahlangý, Mırzad Mehanovıch, Zıgı Badıbanga jáne Alekseı Şetkın shyqty.
Ázirge cheh fýtbolshylary 2:1 esebimen jeńip jatyr. Oıynnyń 8-mınýtynda Marek Mateıoskı esep ashsa, 41-mınýtta Nıkolaı Komlıchenko penaltıden esepti ústemeleı tústi. Al 45-mınýtta shymkenttik shabýylshy Alekseı Şetkın qaqpany dál kózdedi.
Esterińizge sala ketelik, alǵashqy kezdesýde eki komanda 1:1 esebimen teń túsken bolatyn. Sondyqtan «Ordabasy» búgin qalaıda jeńiske jetýi tıis. Úshinshi irikteý kezeńine shyqqan jaǵdaıda «Ordabasy» Armenııanyń «Alashkert» jáne Rýmynııanyń «Stıaýa» jubynyń qaı jeńgenimen kezdesedi.
Sondaı-aq, Almatyda «Qaırat» Chehııanyń «Hapoel» (Bezr-Sheva) komandasymen oınap jatyr. Ázirge esep ashylǵan joq.
