Eýropa lıgasy: «Astana» syrt alańda jeńiske jete ala ma
ASTANA. QazAqparat - Búgin, 25 qazanda elordalyq «Astana» fýtboldan Eýropa lıgasy toptyq kezeńinde syrt alańda Chehııanyń «ıAblonets» komandasymen kezdesedi, dep habarlaıdy QazAqparat tilshisi.
Búgingi kúnge deıin qos komanda úsh oıynnan ótkizdi. Elordalyq «Astana» aldymen Ýkraınada «Dınamo» (Kıev) klýbymen 2:2 esebimen teń oınady. Odan keıin óz alańynda Frantsııanyń «Renn» komandasynan 2:0 esebimen basym tústi. Úsh týrdan keıin «Astana» tórt upaımen týrnır kestesinde kósh bastap tur. «ıAblonets» eki oıynda nebári bir upaı jınady. Aldymen «Rennnen» 1:2 esebimen jeńilse, kelesi týrda óz alańynda «Dınamomen» 2:2 esebimen teń tarqasty.
Shynyn aıtqanda, jarystyń kelesi satysyna shyǵýǵa «Astananyń» múmkindigi mol. Boljam jasaýshylar búgingi kezdesýde olardyń basymdyǵy bolatynyn aıtady. Árıne, ony jasyl alań tórindegi sheberler shaıqasy anyqtaıdy.
«ıAblonets» komandasy Eýropa qurlyǵynda aty tanymal klýbtardyń qatarynda sanalmaıdy. Atalmysh ujym 1945 jyly qurylǵan. Jetpis jyldan beri Chehııa birinshiliginde synǵa túsip keledi. Degenmen búgingi kúnge deıin birde-bir márte chempıondyq ataqqa qol jetkize almaǵan. 2010 jyly Chehııanyń dop dodasynda kúmis júldege qol jetkizdi. Komanda Chehııa kýbogynda eki dúrkin jeńimpaz boldy. Budan basqa qol jetkizgen tolaıym tabysy joq.
«ıAblonets» óz eliniń úzdikter qatarynda tuńǵysh ret 1974 jyly baq synady. Degenmen araǵa jyl ótkende qaıtadan tómengi lıgaǵa túsip qalady. Odan keıingi kezekte joǵary lıgaǵa 1993 jyly qaıta oralǵan. 1996 jyly Chehııa birinshiliginde qola júldege qol sozdy. Osyndaı bıiktikke olar búgingi kúnge deıin óz tarıhynda bes márte qol jetkizdi. Kelesi jyly ÝEFA lıgasynda tuńǵysh ret baq synaý múmkindigine ıe boldy. Sol jyly Chehııa kýbogynda bas júlde alyp, Kýbok ıeleri kýbogy básekesinde óz eliniń namysyn qorǵady.
«ıAblonets» bıylǵy Eýropa lıgasy toptyq kezeńine birden joldama aldy. Degenmen alǵashqy eki týrda bir ǵana upaı alǵan olar jarysty jalǵastyrý múmkindigin qıyndatyp aldy. Qalǵan tórt oıynda jınaqy qımyldaı bilse, ózderiniń maqsatyna qol jetkizýi ǵajap emes.
«ıAblonets» pen «Astana» oıyny Astana ýaqytymen 01-00-de bastalady. Atalmysh kezdesý Qazsport telearnasynan tikeleı efırde kórsetiledi.
