Eýropa lıgasy: «Astana» syrt alańda «Lýdogoretsten» oısyraı jeńildi

ASTANA. QazAqparat - Búgin fýtboldan UEFA Eýropa lıgasy úshinshi irikteý satysynda «Astana» syrt alańda «Lýdogorets» (Bolgarııa) komandasymen kezdesti, dep habarlaıdy QazAqparat tilshisi.

Búgindi oıyndy bolgarııalyq komanda belsendi bastady. Oıynnyń 25-mınýtynda olardyń qatarynan Bernard Tekpeteı esep ashyp ketse, oǵan 29-mınýtta Dembo Darbo bir golmen jaýap qaıyrdy.

Ekinshi kezeńde «Lýdogorets» sapynan ıAkýb Petrovskıı 47, 58-mınýtta eki gol soqsa, 50-mınýtta Bernard Tekpeteı taǵy bir goldyń avtory atandy.

Al Kırıll Despodov 67-mınýtta bolgarııalyq klýbtyń basymdyǵyn arttyrdy.

Osylaısha «Astana» qarsylasyna 1:5 esebimen jeńildi.

Alǵashqy oıynda qazaqstandyq komanda qarsylasynan 2:1 esebimen basym tústi.

«Astana» budan buryn Chempıondar lıgasynda Grýzııanyń «Dınamo Tbılısı» klýbynan (1:2, 1:1) aılasyn asyrsa, odan keıin Horvatııanyń «Dınamo Zagreb» komandasyna (0:4, 0:2) ese jiberdi.

Endi «Astana» Konferentsııa lıgasy pleı-off satysynda Albanııanyń «Partızanı» komandasymen kezdesedi. Atalǵan komanda úshinshi irikteý satysynda Latvııanyń «Valmıera» klýbyn (2:1, 1:0) orta jolda qaldyrdy.

Al «Lýdogorets» Eýropa lıgasy pleı-off satysynda Nıderlandtyń «Aıaks» klýbymen sheberlik baıqasady.

Dál qazir Konferentsııa lıgasy úshinshi irikteý satysynda «Tobyl» Soltústik Irlandııanyń «Derrı Sıtı» komandasymen kezdesip jatyr. Ázirge «Derrı Sıtı» 1:0 esebimen jeńip jatyr. Alǵashqy oıynda dál osyndaı eseppen «Tobyl» jeńgen edi.

Eske salsaq, budan buryn Konferentsııa lıgasy úshinshi irikteý satysynda «Aqtóbe» jarysty aıaqtady.

Al Konferentsııa lıgasy ekinshi irikteý satysynda «Ordabasy» Polshanyń «Legııa» komandasyna jol berdi.