Eýropa lıgasy: «Astana» syrt alańda «Lýdogoretspen» qarymta oıyn ótkizedi

ASTANA. QazAqparat - Búgin fýtboldan UEFA Eýropa lıgasy úshinshi irikteý satysynda «Astana» syrt alańda «Lýdogorets» (Bolgarııa) komandasymen kezdesedi, dep habarlaıdy QazAqparat tilshisi.

Kezdesý 17 tamyzdan 18-ne qaraǵan túni elorda ýaqytymen 00:00-de bastalyp, «Qazsport» telearnasynan tikeleı efırde kórsetiledi.

Kezdesýge Anglııadan kelgen Entonı Teılor bas tóreshi bolady. Oǵan otandastary Konstantın Hadzıdakıs pen Nıl Devıs kómekshilik jasaıdy. Qosalqy tóreshi avstralııalyq Djarred Djıllett.

Alǵashqy oıynda qazaqstandyq komanda qarsylasynan 2:1 esebimen basym tústi.

Elordalyq «Astana» Eýropa lıgasy pleı-off satysyna shyqqan jaǵdaıda Nıderlandtyń «Aıaks» klýbymen kezdesedi.

Atalǵan komanda ese jibergen jaǵdaıda «Astana» Konferentsııa lıgasy pleı-off satysynda «Valmıera» (Latvııa) jáne «Partızanı» (Albanııa) jubynyń jeńimpazymen sheberlik baıqasady.

«Astana» budan buryn Chempıondar lıgasynda Grýzııanyń «Dınamo Tbılısı» klýbynan (1:2, 1:1) aılasyn asyrsa, odan keıin Horvatııanyń «Dınamo Zagreb» komandasyna (0:4, 0:2) ese jiberdi.

Aıta ketsek, «Astana» 2015-2016 jylǵy kezeńde Chempıondar lıgasy toptyq kezeńinde oıyn kórsetti.

Al 2016, 2017, 2018 jyldarda Eýropa lıgasy toptyq kezeńinde synǵa tústi.