Eýropa lıgasy: «Astana» «Rennmen» ekinshi joldamaǵa talasady
ASTANA. QazAqparat - Búgin elordalyq «Astana» fýtboldan Eýropa lıgasy toptyq kezeńindegi sońǵy oıynyn ótkizedi. Olar Frantsııanyń «Renn» komandasymen kezdesip, K tobyndaǵy ekinshi joldamaǵa talasatyn bolady, dep habarlaıdy QazAqparat tilshisi.
«Astana» bıylǵy Eýropa lıgasy toptyq kezeńindegi oıyndaryn sátti bastaǵan edi. Aldymen 20 qyrkúıekte Kıevte jergilikti «Dınamomen» 2:2 esebinde tarqasty . Odan keıin óz alańynda 4 qazanda búgingi qarsylasy - Frantsııanyń «Renn» klýbyn 2:0 esebimen jeńse, syrtta 25 qazanda Chehııanyń «ıAblonets» klýbymen 1:1 esebimen teń oınady. Atalmysh «ıAblonetspen» 8 qarashada elorda tórinde qarymta oıyn ótkizip, bul kezdesýde elordalyq klýb 2:1 esebimen jeńiske jetti . Al 29 qarashada bizdiń fýtbolshylar Kıevtiń «Dınamosynan» 0:1 esebimen jeńilip qaldy.
Qazir týrnır kestesinde «Astana» 8 upaımen ekinshi orynda keledi. Al «Renn» komandasynyń qorjynynda 6 upaı bar. Búgingi kezdesýde frantsýz klýby jeńiske jetken jaǵdaıda ekinshi oryn solardyń enshisine tıedi. Sonyń nátıjesinde «Renn» ekinshi joldamaǵa qol jetkizedi. Al bizdiń «Astana» úshin kem degende teń oıyn jetedi. Birinshi joldama Kıevtiń «Dınamo» komandasyna erterek buıyrdy. Olardyń enshisinde qazir 11 upaı bar.
«Astana» komandasy 29 qarashadan bastap eshqandaı resmı oıyn ótkizgen joq. Sol kúni Eýropa birinshiligi toptyq kezeńinde Kıevtiń «Dınamo» klýbymen kezdekeni belgili.
Elordalyq klýb bıyl besinshi márte Qazaqstan chempıony ataǵyna qol jetkizdi. «Rennmen» kezdesýge daıyndyǵyn erte bastady. Al 9 jeltoqsan kúni komanda Frantsııanyń úshinshi dıvızıonynda oınaıtyn «Shamblı» fýtbol klýbyna qarsy joldastyq kezdesý ótkizdi. Bul oıynda elordalyqtar 1:0 esebimen jeńiske jetti.
«Bizdiń jaqsy nátıjege qol jetkizgimiz keledi. Komanda aldynda úlken maqsat qoıyp otyr. «Astana» komandasynyń týrnırlik kestedegi jaǵdaıy bizden jaqsy. Sondyqtan búgingi kezdesý qıyn oıyn bolary sózsiz. Degenmen, biz erteń jankúıerlerdiń qoldaýyna úlken senim artamyz», - deıdi «Renn» fýtbol klýby bas bapkeriniń mindetin atqarýshy Jıýlen Stefan.
Esterińizge sala ketelik, buǵan deıin «Renn» komandasynyń bas bapkeri qyzmetin Sabrı Lıamýshı atqarǵan edi. Komanda tizginin bıylǵy mamyr aıynda ustaǵan ol atalmysh klýbtyń Eýropa lıgasy men el birinshiliginde sátsiz oıyndaryna baılanysty qyzmetinen ketti.
Al «Astana» komandasy bas bapkeriniń mindetin atqarýshy Grıgorıı Babaıan jankúıer seniminen shyǵýǵa kúsh salatynyn jetkizip otyr.
Bul kezdesý búgin saǵat 23.55-te bastalady. Atalmysh oıyn «Qazsport» telearnasynan tikeleı efırde kórsetiledi. Sondaı-aq, dál osy kúni atalmysh toptaǵy «Dınamo» (Kıev) pen Chehııanyń «ıAblonets» komandalary kezdesedi.
