EÝROPA LIGASY: «Astana» komandasy kelesi kezeńge ótti
ASTANA. QazAqparat - Qazaqstannyń "Astana" fýtbol komandasy Eýropa Lıgasynyń ekinshi kezeńinde "Hapoelmen" qarymta match ótkizip, 0:1 esebimen jeńilis tapty.
Alǵashqy taım barysynda sylbyr oınaǵan fýtbolshylar bir-biriniń qaqpasyna gol sala almaı, úziliske attandy. Al ekinshi taımda qazaqstandyq klýbtyń qarsylastary aıyp dobyn tebýge múmkindik aldy jáne "toǵyz metrlikti" "Hapoeldiń" shabýylshysy Lýkas Sasha múltiksiz oryndap, "Astana" qaqpasynda dop týlatty.
Aıta keteıik, Astanada ótken birinshi kezdesýde jergilikti komanda "Hapoelge" jaýapsyz 3 gol toǵytqan bolatyn. Osy jeńisiniń arqasynda jalpy qorytyndy boıynsha 3:1 esebimen jeńiske jetken "Astana" Eýropa Lıgasynyń úshinshi raýndyna joldama aldy.
