Eýropa lıgasy: «Astana» komandasy BATE klýbynan basym tústi
ASTANA. QazAqparat - «Astana» men BATE Eýropa lıgasynyń pleı-off matchy aıaqtaldy. "Astana Arenada" ótken alǵashqy match 2:0 esebimen qazaqstandyq komandanyń basymdyǵymen aıaqtaldy.
Birinshi taımda alań ıeleri belsendi óner kórsetkenimen, qarsylastarynyń qaqpasyn ala almady. Degenmen ekinshi taımda "BATE" fýtbolshylary kóp qatelik jasap, goldyń soǵylýyna jol berip aldy.
Alǵashqy goldy "Astana" shabýylshysy Djýnıor Kabananga oıynnyń 70-mınýtynda salyp ketti. Osydan keıin shabyttanǵan elordalyqtar 80-mınýtta Azat Nurǵalıevtiń kómegimen esepti 2:0-ge jetkizip, alǵa shyqty.
Qarsylas komanda ekinshi taımnyń sońynda aıanyp qalǵan joq. Ústi-ústine shabýyl jasap, "Astana" qaqpasyn kózdedi. Degenmen qorǵaýshylar bul shabýyldarǵa sheber tosqaýyl bola bildi.
Aıta keteıik, eki oıynnyń nátıjesinde jeńiske jetken komanda Eýropa lıgasynyń toptyq synyna joldama alady.
Qarymta match "Borısov-Arenada" 25 tamyzda ótpek.
Eske salsaq, Chempıondar lıgasynyń ekinshi irikteý kezeńinde "Astana" fýtbol klýbyn "Seltık" yǵystyrǵan bolatyn.
