Eýropa lıgasy: «Astana», «Qaırat», «Qaısar» klýbtarynyń qarsylastary anyqtaldy
NUR-SULTAN. QazAqparat - Búgin UEFA Eýropa lıgasy ekinshi irikteý satysynyń jerebesi tartyldy, dep habarlaıdy QazAqparat tilshisi.
Qyzylordanyń «Qaısaryna» Kıprdiń APOEL komandasy qarsylas atandy. Esterińizge sala ketelik, kıprlik klýb buǵan deıin elordalyq «Astanamen» úsh márte joly túıisti. Barlyǵy alty kezdesýdiń ekeýinde jeńdi. Úsheýinde qarsylasyna ese jiberse, bireýinde teń oınady.
Al Almatynyń «Qaıraty» ekinshi irikteý satysynda Izraıldiń «Makkabı» (Haıfa) jáne Bosnııanyń «Jeleznıchar» (Saraevo) klýbymen jolyǵady. Almatylyq klýb alǵashqy kezdesýde Armenııanyń «Noa» komandasyn 4:1 esebimen jeńgen bolatyn.
Elordalyq «Astanaǵa» jarystyń bul satysynda Chernogorııanyń «Býdýchnost» komandasy qarsylas atandy. Bul komanda 1925 qurylǵan. Óz elinde tórt márte chempıon atanǵan.
«Astana» budan buryn Chempıondar lıgasy birinshi irikteý satysynda Belarýstiń «Dınamo» (Brest) klýbyna 3:6 esebimen ese jiberdi.
Shymkenttik «Ordabasy» alǵashqy irikteý satysynda Rýmynııanyń «Botoshanı» klýbyna 1:2 esebimen ese jiberdi. Osylaısha jarys jolynan shyǵyp qaldy.