Eýropa lıgasy: «Astana» elordada «Lýdogoretsten» basym tústi

ASTANA. QazAqparat - Búgin fýtboldan UEFA Eýropa lıgasy úshinshi irikteý satysynda «Astana» elordada «Lýdogorets» (Bolgarııa) komandasymen kezdesti, dep habarlaıdy QazAqparat tilshisi.

Búgingi kezdesýde komandalar tartysty oıyn órbitti. Alǵashqy mınýttan qaqpa mańynda shabýyl uıymdastyrdy. Esepti 34-mınýtta bolgarııalyq klýbtan Noa Sýndberg ashty. Oıynnyń 40-mınýtynda elordalyq klýbtan Jarko Tomashevıch tarazy basyn teńestirdi.

Ekinshi kezeńde «Astana» fýtbolshysy Aleksandr Marochkın mergendik tanytyp, qorytyndy esepti belgiledi.

Osylaısha elordalyq klýb qarsylasynan 2:1 eesbimen basym tústi.

Qarymta kezdesý 17 tamyzda bolady.

Elordalyq «Astana» Eýropa lıgasy pleı-off satysyna shyqqan jaǵdaıda Nıderlandtyń «Aıaks» klýbymen kezdesedi.

Atalǵan komandaa ese jibergen jaǵdaıda «Astana» Konferentsııa lıgasy pleı-off satysynda «Valmıera» (Latvııa) jáne «Partızanı» (Albanııa) jubynyń jeńimpazymen sheberlik baıqasady.

«Astana» budan buryn Chempıondar lıgasynda Grýzııanyń «Dınamo Tbılısı» klýbynan (1:2, 1:1) aılasyn asyrsa, odan keıin Horvatııanyń «Dınamo Zagreb» komandasyna (0:4, 0:2) ese jiberdi.