Eýropa lıgasy: «Astana» elordada Bolgarııanyń «Lýdogorets» komandasymen kezdesedi

ASTANA. QazAqparat – Búgin fýtboldan UEFA Eýropa lıgasy úshinshi irikteý satysynda «Astana» elordada «Lýdogorets» (Bolgarııa) komandasymen kezdesedi, dep habarlaıdy QazAqparat tilshisi.

Kezdesý 8 tamyz kúni elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.

«Lýdogorets» komandasy 2001 jyly qurylǵan. Sodan beri óz eliniń 12 dúrkin chempıony atandy. 2012 jyldan eýrokýbok oıyndarynda baq synap keledi. Birneshe márte Chempıondar lıgasy men eýropa lıgasy toptyq kezeńderinde oınady.

Elordalyq «Astana» Eýropa lıgasy pleı-off satysyna shyqqan jaǵdaıda Nıderlandtyń «Aıaks» klýbymen kezdesedi.

Atalǵan komanda ese jibergen jaǵdaıda «Astana» Konferentsııa lıgasy pleı-off satysynda «Valmıera» (Latvııa) jáne «Partızanı» (Albanııa) jubynyń jeńimpazymen sheberlik baıqasady.

«Astana» budan buryn Chempıondar lıgasynda Grýzııanyń «Dınamo Tbılısı» klýbynan (1:2, 1:1) aılasyn asyrsa, odan keıin Horvatııanyń «Dınamo Zagreb» komandasyna (0:4, 0:2) ese jiberdi.

Aıta ketsek, «Astana» 2015-2016 jylǵy kezeńde atalǵan týrnırdiń toptyq kezeńinde oıyn kórsetti.

Al 2016, 2017, 2018 jyldarda Eýropa lıgasy toptyq kezeńinde synǵa tústi.