Eýropa lıgasy: «Astana» «Dınamodan» jeńilip qaldy
ASTANA. QazAqparat - Búgin elordalyq «Astana» óz alańynda Kıevtiń «Dınamo» komandasyn qabyldady, dep habarlaıdy QazAqparat tilshisi.
Fýtboldan Eýropa lıgasy K tobynda kósh basynda kele jatqan qos komanda búgin kimniń myqty ekenin anyqtaýǵa belsendi qımyl kórsetti. Aıta keterligi, qos ujym búginge deıin segiz-segizden upaı jınaǵan. Sondyqtan ekeýi de jeńiske jetý jolyn oıyn basynan-aq izdeıtini anyq edi.
«Astana» komandasy bas bapkeriniń mindetin atqarýshy Grıgorıı Babaıan kezdesýdiń alǵashqy mınýtynan Nenad Erıch, Baktıer Zaınýtdınov, Evgenıı Postnıkov, Marın Anıchıch, Antonıo Rýkavına, Ivan Maevskıı, Laslo Klıaınhaısler, Rıchard Almeıda, Marın Tomasov, Roman Mýrtazaev men Djýnıor Kabanangany shyǵardy. Al «Dınamonyń» bas bapkeri Aleksandr Hatskevıch óz shákirtteri arasynan Denıs Boıko, Nıkıta Býrda, Tamash Kadar, Tomash Kendzera, Vıtalıı Mıkolenko, Che Che, Vladımır Shepelev, Nıkolaı Shaparenko, Sıdkleı Pereıra, Benıamın Verbıch pen Vıktor Tsygankovqa senim bildirdi.
Alǵashqy mınýttan-aq alań ıeleri shabýylǵa shyǵýǵa mán berdi. Tipti olardyń esep ashatyn múmkindikteri bolǵan edi. Mundaı sátterdiń birinde Marın Tomasov óz múmkindigin múlt jiberse, endigi birinde Djýnıor Kabananga berilgen pasqa úlgere alǵan joq. Áıteýir, bizdiń jigitterge sáttilik jetispeı jatqandaı kórindi. Birazdan keıin «Dınamo» oıynshylary da alańǵa boı úırete bastaǵany ańǵaryldy. Olar qarymta shabýyldarǵa mán berdi. «Dınamo» oıynshysy Benıamın Verbıch 29-mınýtta óz komandasyn alǵa shyǵardy. Budan keıin «Astana» fýtbolshylary shabýyldy údete tústi. Degenmen ony aldyńǵy shepte túıindeıtin oıynshy tabylmaı jatty. Birinshi kezeń 1:0 esebimen «Dınamonyń» jeńisimen aıaqtaldy.
Ekinshi kezeńde Grıgorıı Babaıan «Astana» sapynan birqatar oıynshylardy almastyrdy. Rıchard Almeıdanyń ornyna Serikjan Mýjıkov shyqsa, Djýnıor Kabananganyń ornyna Romelo ıAnga shyqty. Bizdiń jigitter «Dınamo» qaqpasy mańyn jıi torýyldady. Degenmen kóp sátte sáttilik jetispeı jatty. Búgingi kezdesýde «Dınamo» 1:0 esebimen jeńiske jetti.
Búgin osy topta taǵy bir oıyn ótedi. «ıAblonets» óz alańynda «Rennmen» sheberlik baıqasady. Endi «Astana» syrt alańda 13 jeltoqsanda Frantsııada «Rennmen» kezdesedi. Al «Dınamo» dál osy kúni óz alańynda Chehııanyń «ıAblonets» klýbyn qabyldaıdy.
Esterińizge sala ketelik, «Astana» buǵan deıin tórt oıyn ótkizdi. Aldymen Kıevte jergilikti «Dınamomen» 2:2 esebinde tarqasty.
Odan beri «Astana» eki márte jeńiske jetip, bir teń nátıjege qanaǵat bildirdi. Óz alańynda Frantsııanyń «Renn» klýbyn 2:0 esebimen jeńse, syrtta Chehııanyń «ıAblonets» klýbymen 1:1 esebimen teń oınady.
Atalmysh komandamen úsh apta buryn elorda tórinde qarymta oıyn ótkizip, bul kezdesýde 2:1 esebimen jeńiske jetti.
