Eýropa lıgasy: «Astana» birinshi kezeńnen keıin APOEL-men teń túsip jatyr
ASTANA. QazAqparat - Dál qazir elordalyq «Astana» Eýropa lıgasy pleı-off kezeńinde syrt alańda Kıprdiń APOEL komandasymen kezdesip, birinshi kezeńnen keıin 0:0 esebimen teń túsip jatyr, dep habarlaıdy QazAqparat tilshisi.
Oıyn alma-kezek shabýylmen órbidi. Eki komandanyń da esep ashatyn múmkindikteri bolǵan. Degenmen, ekeýi de ol múmkindikterdi paıdalana alǵan joq. Aıta keterligi, «Astana» bul oıyndy bas bapkersiz ótkizip jatyr. Ýkraınalyq maman Roman Grıgorchýk belgisiz sebeptermen óz qyzmetinen ýaqytsha ketti. Soǵan baılanysty bul mindetti Roman Babaıan atqarý ústinde.
Eki komanda buǵan deıin de eýrokýbok oıyndarynda sheberlik baıqasqan. Alǵash ret olardyń 2015 jyly Chempıondar lıgasynyń pleı-off kezeńinde joly túıisti. Elordada ótken oıynda qarsylasyn 1:0 esebimen jeńgen «Astana» syrt alańda 1:1 esebimen teń nátıjege qol jetkizdi. Osynyń arqasynda olar óz tarıhynda tuńǵysh ret Chempıondar lıgasynyń toptyq kezeńine joldama aldy. Odan keıin eki komanda Eýropa lıgasynda V tobynda synǵa túsip, qos oıynda 2:1 esebimen eki komanda alma-kezek jeńiske jetti.
