Eýropa lıgasy: «Astana» andorralyq qarsylasymen teń túsip jatyr
NUR-SULTAN. QazAqparat - Búgin fýtboldan UEFA Eýropa lıgasy ekinshi irikteý kezeńi aıasynda elordalyq «Astana» syrt alańdaǵy Andorranyń «Santa-Koloma» komandasymen kezdesýde. Matchtyń birinshi kezeńi aıaqtaldy, dep habarlaıdy QazAqparat tilshisi.
Birinshi kezeńnen keıin eki komanda teń túsip jatyr. Esep ashylatyn birneshe múmkindik bolǵan edi. Onyń eshqaısysy golǵa aınalǵan joq.
«Santa-Koloma» - Andorranyń belgili klýbynyń biri. Buǵan deıin Eýrokýbok oıyndaryna turaqty qatysyp keledi.
Birinshi kezeńde «Astana» sapynda Nenad Erıch, Antonıo Rýkavına, Marın Anıchıch, Evgenıı Postnıkov, Lýka Shımýnovıch, ıÝrıı Logvınenko, Ivan Maevskıı, Rýnar Mar Sıgýronsson, Marın Tomasov, Roman Mýrtazaev jáne Dorın Rotarıý shyqty.
Al «Santa-Koloma» bapkerleri olarǵa qarsy Eloı Kasals, Moıses San-Nıkolas, Hýanma Mıranda, Andreý Ramos, Chýs Rýbıo, Andre Azevedý, Pedro Santos, Mark Rebes, Chýs Sosa, Pı, Dıego Nahera syndy fýtbolshylardy qoıdy.
«Santa-Koloma» biz oılaǵandaı ońaı komanda emes ekenin kórsetti. Birinshi kezeńde «Astanaǵa» laıyqty qarsylyq tanyta bildi. Oıyn barysynda tek qorǵanysta júrgen joq. Qolaıly sát týǵanda aldyńǵy shepten de kórinip jatty.
Kezdesý barysynda oıyn tizgini «Astana» qolynda boldy. Bizdiń komandanyń gol soǵatyn eki múmkindigi týǵan edi. Degenmen, ony tıimdi paıdalana alǵan joq.
