Eýropa lıgasy: «Astana» 1-taımdy jeńispen aıaqtady
ASTANA. QazAqparat - ÝEFA Eýropa lıgasynyń 1/16 fınaly aıasynda Portýgalııanyń "Sportıng" komandasyn qabyldap jatqan "Astana" birinshi taımda qarsylastarǵa gol soqty, dep xabarlaıdy QazAqparat tilshisi.
Elordalyq ujym alǵashqy mınýttardan bastap-aq oıyn tizginin qolǵa aldy. Jyldam shabýyldardyń nátıjesinde 7-mınýtta Marın Tomasov dál soqqy baǵyttap, esep ashty.
Taım sońyna deıin komandalar alma-kezek shabýyldaǵanmen, úziliske 1:0 esebimen shyqty.
Eske salaıyq, ÝEFA Eýropa lıgasy 1/16 fınaly aıasyndaǵy «Astana» - «Sportıng» komandalarynyń kezdesýi elordadaǵy «Astana Arena» stadıonynda ótip jatyr. Match álemniń bes qurlyǵyna tikeleı efırde taratylýda.
