Eýropa lıgasy: APOEL - «Astana» oıynyn qaıdan tamashalaýǵa bolady
ASTANA. QazAqparat - 23 tamyz kúni «Astana» Eýropa lıgasy pleı-off raýndynyń APOEL-ge qarsy alǵashqy kezdesýin ótkizedi, dep habarlaıdy «SPORTINFORM» SAA.
Kezdesý Astana ýaqytymen 23:00-de bastalady. Ony «Qazsport» telearnasy tikeleı efırden kórsetedi.
Eki kezdesýden turatyn osy raýndtyń jeńimpazy týrnırdiń toptyq kezeńine joldama alady. Komandalar bir-birin jaqsy tanıdy, óıtkeni buǵan deıin Chempıondar lıgasyna irikteýdiń pleı-off kezeńinde úsh jyl buryn kezdesken bolatyn. Sol kezde Stanımır Stoılov shákirtteri 1:0 jáne 1:1 esebimen basym túsip, toptyq kezeńge ótken. Araǵa bir jyl salyp, qarsylastar Eýropa lıgasynda bir topqa túsip, ekeýi de óz alańyndaǵy oıynda 2:1 esebimen jeńiske jetken.
