Eýropa Lıgasy: Aqtóbelik fýtbolshylar «Mılsamı» komandasynan 3:0 esebimen basym túsip, úshinshi kezeńge shyqty
ALMATY. 27 shilde. QazAqparat - «Aqtóbe» fýtbol klýby keshe óz alańynda Moldovanyń Orgeev qalasynyń «Mılsamı» komandasymen Eýropa Lıgasynyń dárejelik 2-raýndyndaǵy qarymta kezdesýin ótkizdi.
Bul oıynda 1992 jyly 27 shilde qalyptasqan eki eldiń arasyndaǵy dıplomatııalyq qatynastyń 20 jyldyǵyna qazaqstandyqtar úlken syı jasady. Buǵan deıin 19 shilde kúni syrt alańda Vladımır Muhanov jattyqtyratyn aqtóbelikter orgeevtik qurdastaryna 4:2 esebimen jeńilis tapqan bolatyn. Qarymta oıynda olar alǵashqy taımda 38-mınýtta 1:0 esebimen esep ashyp, oıynnyń ekinshi jartysynda, 53-mınýtta ony 2:0-ge deıin ulǵaıtty. Al kezdesýdiń 93-mınýtynda qonaqtardy ábden sastyryp, olardy óz qaqpasyna dop soǵýǵa deıin jetkizip, jarystyń kelesi kezeńine súrinbeı ótti. Sergeı Kleşenko baptaǵan qonaqtar aqtóbelikterge bul joly shyn máninde aıtarlyqtaı esh qarsylyq kórsete almady. Endi qazaqstandyq fýtbolshylar Eýropa lıgasynyń úshinshi dárejelik raýndynda 2-tamyzda Belgııa "Gent" fýtbol klýbymen kúsh synaspaq. Tron Solle jattyqtyratyn genttik aıaqdopshylar Belgııa kýbogyn úsh dúrkin (1964, 1984, 2010) ıelenip, 2 ret sýperkýbok (1984, 2010) fınalısi bolǵan komanda. Olar sondaı-aq, 1991-1992 jyldary ÝEFA kýbogynyń shırek fınalısi jáne Intertoto kýbogynyń fınalısi atanǵan azýly komandanyń biri sanalady.
