Eýropa lıgasy:«Aqtóbe» óz alańynda «Breıdablık» klýbynan basym tústi
ASTANA. 2 tamyz. QazAqparat - Fýtboldan «Aqtóbe» komandasy keshe, Eýropa lıgasy úshinshi irikteý kezeńiniń alǵashqy oıynynda ıslandııalyq «Breıdablık» klýbyn qabyldady.
Oıyn barysynda «Aqtóbe» basymdyq tanytqanymen sońǵy mınýtqa deıin gol soǵa almady. Qarsylastar qorǵanysta óte myqty oınady. Tek 90 mınýtta Geınrıh aıyp alańyna kirgende ıslandııalyq qorǵaýshylar oıyn tártibin buzdy. Tóreshi birden penaltı núktesin belgiledi. Al Marat Haırýllın on bir metrlik aıyp dobyn múltiksiz oryndady. Osylaısha, bizdiń jigitter óz alańynda bir dop aıyrmashylyǵymen jeńiske jetti, dep habarlaıdy «Alaman».
