Eýropa lıgasy: «Tobyl» búgin slovakııalyq «Rýjemberok» komandasymen kezdesedi

ASTANA. KAZINFORM - Búgin, 11 shildede Qostanaıdyń «Tobyly» fýtboldan Eýropa lıgasy birinshi irikteý kezeńinde Slovakııanyń «Rýjemberok» komandasymen kezdesedi. 

Kezdesý elorda ýaqytymen 22:00-de bastalyp, «Sport Plus Qazaqstan» jáne «El Arna» telearnalarynan tikeleı efırde kórsetiledi.

«Rýjemberok» Slovakııa chempıonatynda 2005-2006 jylǵy maýsymda altyn medal aldy. Sol jyly el Kýbogin ıelense, byltyr bul jetistigin taǵy bir márte qaıtalady. «Rýjomberok» eýrokýbokta jeti ret oınaǵan. 2006 jyly Chempıondar Lıgasynyń ján 2017jyly Eýropa Lıgasynyń úshinshi irikteý kezeńine deıin jetti.

Atalǵan komanda quramynda negizinen slovakııalyq fýtbolshylar oıyn kórsetedi. Olardyń qatarynda Samıýel Lavrınchık, Martın Hrıen jáne qaqpashy Tomas Frıývald sekildi tájirıbeli oıynshylar bar.

Qorǵanys shebinde kezinde Portýgalııanyń «Benfıkasynyń» namysyn qorǵaǵan Martın Hrıen jasyl alańǵa shyqsa, shabýylda negizinen Shtefan Geretske senim artylǵan.

Eske salsaq, budan buryn Chempıondar lıgasy birinshi irikteý kezeńinde «Ordabasy» moldovalyq «Petrokýb» komandasymen teń tústi.