Eýropa lıgasy: «Ordabasy» jarysty birinshi irikteý kezeńinde aıaqtady

ASTANA. KAZINFORM — Shymkenttik «Ordabasy» fýtbol komandasy UEFA Konferentsııa lıgasyndaǵy oıyndaryn birinshi irikteý kezeńinde aıaqtady.

Shymkenttik komanda Grýzııanyń «Torpedo» (Kýtaısı) komandasymen qarymta oıyn ótkizdi.

Kezdesý barysynda qazaqstandyq komanda jyldam gol soǵý múmkindigin izdedi. Degenmen oılaǵan maqsatyna jete alǵan joq. Esesine óziniń qaqpasyna gol jiberip aldy. Bul goldy 45-mınýtta «Torpedo» sapynan Iraklı Bıdzınashvılı óziniń enshisine jazdy.

Ekinshi kezeńde grýzııalyq komandadan Solomon Kverkvelııa 49-mınýtta qyzyl qaǵazben alańnan qýyldy. Soǵan qaramastan «Torpedo» toqsanynshy mınýtqa deıin basymdyqty saqtap turdy. Oıynnyń 95-mınýtynda «Ordabasy» sapynan Abylaıhan Jumabek tarazy basyn teńestirgen edi.

Komandalar 1:1 esebine qanaǵat bildirdi. 

Aıta ketsek, birinshi oıynda qazaqstandyq klýb qarsylasyna 3:4 esebimen ese jibergen edi.

Eki oıynnyń nátıjesimen «Ordabasy» jarysty aıaqtady. 

Eske salsaq, budan buryn almatylyq «Qaırat» UEFA Chempıondar lıgasynyń birinshi irikteý kezeńinde Slovenııanyń «Olımpııa» klýbyn (1:1, 2:0) qapy qaldyrdy.

Al elordalyq «Astana» atalǵan týrnırdi ekinshi irikteý kezeńinen bastaıdy.