Eýropa lıgasy: «Manchester ıÝnaıted» syrt alańda jeńiske jetti

ASTANA. KAZINFORM - 1 mamyrda fýtboldan UEFA Eýropa lıgasy jartylaı fınalyndaǵy alǵashqy oıyndar ótkizildi.

Jarystyń atalǵan satysyndaǵy kezdesýdiń birinde «Atletık Bılbao» (Ispanııa) men «Manchester ıÝnaıted» (Anglııa) sheberlik baıqasty.

Kezdesý barysynda anglııalyq klýbtyń belsendiligi baıqalyp turdy. Nátıjesinde olardyń qatarynan Kazemıro 30-mınýtta esep ashsa, 37-mınýtta Brýný Fernandesh penaltıden múlt ketken joq.

Oıynnyń 45-mınýtynda Brýný Fernandesh taǵy bir márte mergendik tanytyp, kezdesýdiń núktesin qoıdy.

Osylaısha anglııalyq klýb qarsylasynan syrt alańda 3:0 esebimen basym tústi.

Sondaı-aq taǵy bir kezdesýde «Tottenhem Hotspýr» (Anglııa) men «Bodo-Glımt» (Norvegııa) oınady.

Atalǵan matchta «Tottenhem Hotspýr» jyldam gol soǵyp úlgerdi. Olardyń qatarynan Brennan Djonson 1-mınýtta qaqpa toryn týlatsa, 34-mınýtta Djeıms Meddıson esepti ústemeleı tústi.

Taǵy bir goldy Domınık Solanke 61-mınýtta penaltıden engizse, norvegııalyq komanda sapynan Ýlrık Saltnes 83-mınýtta jalǵyz golmen jaýap qaıyrdy.

Anglııalyq komanda qarsylasyn 3:1 esebimen basym tústi.

Endi qarymta kezdesý 8 mamyr kúni ótkiziledi.