Eýropa lıgasy. «Qaırat» alǵashqy kezdesýde «Anderlehtke» ese jiberdi
ASTANA. KAZINFORM - UEFA Eýropa lıgasy pleı-off kezeńindegi «Qaırat» (Almaty, Qazaqstan) - «Anderleht» (Brıýssel, Belgııa) jubynyń alǵashqy kezdesýi aıaqtaldy.
Kezdesý barysynda belgııalyq komanda jyldam gol soǵyp úlgerdi. Oıynnyń 2-mınýtynda almatylyq klýbtan ıAkko Oksanen óz qaqpasyna gol soǵyp alsa, 31-mınýtta «Anderleht» sapynan Lýkas Ambros basymdyqty arttyrdy.
Al 46-mınýtta olardyń qatarynan Danııl Sıkan qorytyndy esepti belgiledi.
Osylaısha alǵashqy kezdesýde almatylyq klýb qarsylasyna 0:3 esebimen ese jiberdi.
Endi qarymta oıyn 27 tamyz kúni ótkiziledi.
«Anderleht» 1908 jyly qurylǵan. Óz elinde 34 márte chempıon atanyp, rekordtyq kórsetkishke qol jetkizdi. Sondaı-aq Belgııa kýbogyn 9 márte tóbesie kóterdi.
Al 1976, 1978 jyldary Kýbok ıeleri kýbogyna qol jetkizse, 1983 jyly UEFA kýbogyn aldy.
Aıta ketsek, almatylyq komanda eýrokýboktaǵy joryǵyn aldymen Chempıondar lıgasynda bastap, alǵashqy eki irikteý kezeńinde Chernogorııanyń «Sýteska» klýbynan (2:1, 2:0), Chernogorııanyń Kıprdiń «Omonııa» (1:0, 0:1, penaltıden 6:5) klýbtaryn qapy qaldyrǵan edi.
Odan keıin Bolgarııanyń «Levskı» komandasyna (0:1, 0:1) jol berdi.
Sondaı-aq, almatylyq klýb ótken maýsymda Chempıondar lıgasynyń negizgi kezeńinde Portýgalııanyń «Sportıng» (1:4), Ispanııanyń «Real Madrıd» (0:5), Italııanyń «Inter» (1:2), Grekııanyń «Olımpıakos» (0:1), Danııanyń «Kopengagen»(2:3), Belgııanyń «Brıýgge» (1:4), Anglııanyń «Arsenal» (2:3) klýbtaryna jol berse, Kıprdiń «Pafosymen» 0:0 esebimen teń túsken edi.
Eske salsaq, budan buryn Qazaqstan quramasynyń shabýylshysy Dastan Sátpaevtyń Anglııanyń «Bernlı» klýby sapyndaǵy alǵashqy matchyn qashan ótkizýi múmkin ekeni belgili boldy.
