Eýropa lıgasy: «Aqtóbe» «Legııadan» ese qaıtara ala ma

ASTANA. KAZINFORM - «Aqtóbe» fýtbol komandasy búgin UEFA Eýropa lıgasynyń birinshi irikteý kezeńinde Polshanyń «Legııa» (Varshava) komandasymen qarymta oıyn ótkizedi.

Oıyn qazaqstandyq ýaqytpen 00:00-de bastalyp, «Qazaqstan» telearnasynan tikeleı efırde kórsetiledi.

«Legııa» komandasy 1916 jyly qurylǵan. Óz elinde 15 ret chempıondyq ataqqa qol jetkizgen. Buǵan deıin sońǵy ret varshavalyq klýb ishki birinshilikte 2021 jyly altyn medalǵa ıe boldy. Bıyl Polsha kýbogynyń ıegeri atandy jáne Konferentsııa lıgasynyń 1/4 fınalyna deıin jetti.

«Legııa» qazaqstandyq klýbtarmen eki márte eýrokýbok oıyndarynda baq synady. Aldymen 2014 jyly Eýropa lıgasy pleı-off satysynda «Aqtóbeni» (1:0, 2:0) qapy qaldyrsa, odan keıin 2023 jyly Konferentsııa lıgasy ekinshi irikteý kezeńinde Shymkenttiń «Ordabasy» klýbyn (2:2, 3:2) jarystan shyǵardy.

Eske salsaq, budan buryn almatylyq «Qaırat» UEFA Chempıondar lıgasynyń birinshi irikteý kezeńinde Slovenııanyń «Olımpııa» klýbyn (1:1, 2:0) qapy qaldyrdy.

Aıta ketsek, shymkenttik «Ordabasy» fýtbol komandasy UEFA Konferentsııa lıgasynyń birinshi irikteý kezeńinde búgin Grýzııanyń «Torpedo» (Kýtaısı) komandasymen qarymta oıyn ótkizedi.

Alǵashqy kezdesýde qazaqstandyq komanda qarsylasyna 3.4 esebimen ese jiberdi.

Al elordalyq «Astana» atalǵan týrnırdi ekinshi irikteý kezeńinen bastaıdy.