Eýropa lıgasy: «Aqtóbe» yqtımal qarsylastary anyqtaldy

ASTANA. KAZINFORM — Fýtboldan qazaqstandyq «Aqtóbe» komandasynyń UEFA Eýropa lıgasy irikteý kezeńindegi yqtımal qarsylastary anyqtaldy.

Qazaqstandyq komanda jarysty birinshi irikteý kezeńinen bastaıdy. UEFA reglamenti boıynsha «Aqtóbe» elenbegen topqa tústi.

Komandanyń yqtmal qarsylastary qatarynda «Shahter Donetsk» (Ýkraına), «Legııa Varshava» (Polsha), «Sherıf» (Moldova), «ChFR Klýj» (Rýmynııa), «Tsele» (Slovenııa) sekildi klýbtar bar.
Jarystyń birinshi kezeńiniń jerebesi 17 maýsym kúni tartylady. Bul kezeńdegi oıyndar 10-17 shilde kúnderi ótkiziledi.

«Aqtóbe» komandasy byltyr Qazaqstan kýbogyn tóbesine kóterdi. Nátıjesinde Eýropa lıgasynda baq synaýǵa múmkindik aldy.

Aqtóbelik klýb eýrokýbok oıyndaryna turaqty túrde qatysyp keledi. Ázirge toptyq kezeńge shyǵa almaı keledi. 2010, 2011, 2014, 2015 jyldary Eýropa lıgasy pleı-off satysyna deıin jetti.

Bıyl komanda el birinshiliginde top bastap keledi. Toǵyz týrdan keıin 25 upaımen týrnır kestesinde kósh basynda tur.

Eske salsaq, budan buryn almatylyq «Qaırat» komandasynyń UEFA Chempıondar lıgasy irikteý kezeńindegi yqtımal qarsylastary anyqtaldy.